Zań jobasynyń maqsaty Qazaqstan Respýblıkasynyń memlekettik jastar saıasaty jáne áleýmettik qamsyzdandyrý salasyndaǵy zańnamasyn jetildirý bolyp tabylady.
Zań jobasy 1 kodeks pen 13 zańǵa ózgerister men tolyqtyrýlar engizýdi kózdeıdi, olar kelesi tujyrymdamalyq túzetýler men novelalardy qamtıdy:
- jastardyń jasyn 35 jasqa deıin ulǵaıtý;
- "jastardy damytý ındeksi", "jastardyń áleýmettik qyzmetteri", "ýaqytsha ornalastyrylmaǵan jastar", "jastarmen jumys jónindegi maman", "jastardyń eńbek jasaqtary" uǵymdaryn zańnamalyq bekitý;
- jastar resýrstyq ortalyqtarynyń fýnksıalaryn keńeıtý;
- memlekettik jastar saıasatynyń negizgi baǵyttaryna jastardyń sıfrlyq saýattylyǵyn arttyrýdy jáne jastar arasynda volonterlikti damytýdy engizý;
- ýákiletti organnyń quzyretine jastarmen jumys jónindegi mamandardyń úlgilik biliktilik sıpattamalaryn jastardyń eńbek jasaqtaryn qurý, uıymdastyrý, qamtamasyz etý, sondaı-aq olardyń qyzmetine monıtorıń júrgizý qaǵıdalaryn, jastardy damytý ındeksin endirý jáne qoldaný qaǵıdalaryn ázirleý jáne bekitý jónindegi fýnksıalardy engizý;
- bala kútimi boıynsha járdemaqy tóleý merzimin 1,5 jasqa deıin ulǵaıtý;
- josparlanǵan áıelderdiń zeınetkerlik jasyn arttyrýdy 2023 jyldan bastap 2028 jylǵa deıin 61 jas deńgeıinde toqtata turý;
- bazalyq zeınetaqy mólsherin kezeń-kezeńimen ulǵaıtý;
- ortaq zeınetaqy mólsherin esepteý kezinde tabystyń eń joǵary shektelýin 46 AEK-ten 55 AEK-ke deıin arttyrý;
- saqtandyrylǵan adamdar úshin jumysynan aıyrylý boıynsha áleýmettik tólemderdiń mólsherin ortasha aılyq tabystyń 45%-na deıin arttyrý;
- memlekettik ataýly áleýmettik kómek alýshylarǵa usynylatyn kepildendirilgen áleýmettik paketti monetızasıalaý;
- suranysqa ıe kásipteri men daǵdylary bar sheteldikterge Qazaqstan Respýblıkasynda turaqty turýǵa ruqsat berý úshin tólem qabilettiligin rastaý týraly talapty alyp tastaý.
"Qazaqstan Respýblıkasy Parlamenti Senatynyń turaqty komıtetterinen zań jobasynyń tujyrymdamasy boıynsha eskertýler men usynystar kelip túsken joq. Baıandalǵandy eskere otyryp, Áleýmettik-mádenı damý jáne ǵylym komıteti, Senat reglamentiniń 58-tarmaǵyn basshylyqqa ala otyryp, Qazaqstan Respýblıkasy Parlamentiniń Májilisi maquldaǵan "Qazaqstan Respýblıkasynyń keıbir zańnamalyq aktilerine memlekettik jastar saıasaty jáne áleýmettik qamsyzdandyrý máseleleri boıynsha ózgerister men tolyqtyrýlar engizý týraly" Qazaqstan Respýblıkasy zańynyń jobasyn birinshi oqylymda maquldaýdy usynady", – dedi Aqmaral Álnazarova.