Qatty aıazda qatyp qalǵan kólikti jylytý maqsatymen júrgizýshiler ashyq otty qoldanǵan.
Qaraǵandy oblysynda 9-10 jeltoqsan aralyǵynda avtomobıl kóliginde 6 órt tirkeldi.
Órt Qaraǵandy, Temirtaý, Shahtınsk qalalarynda oryn aldy. Órttiń shyǵý sebebi-elektr symdarynyń qysqa tuıyqtalýy, dep habarlaıdy almaty-akshamy.kz.
Aǵymdaǵy jyldyń basynan beri oblysta avtokólikte barlyǵy 144 órt tirkeldi, onda 1 adam jaraqat aldy.
Avtokóliktegi órttiń negizgi sebepteri otyn nemese elektr júıesiniń durys jumys istemeýi bolyp otyr. Qys mezgilinde órt ashyq otty qoldana otyryp, muzdatylǵan kólikterdi jylytý kezinde de bolady. Kóp jaǵdaıda kólik júrgizýshileri aıazdan qatyp qalǵan kólikti ot aldyrý úshin ashyq otty qoldanyp, temir tulparlaryn órtep alǵan.
"Avtokóliktiń dızaınynda janǵysh materıaldardyń kóp mólsheri qoldanylady. Sondyqtan kez kelgen avtokólikte órt qaýipsizdigi sharalaryn qatań saqtaý qajet.
Avtokólikte órt qaýipsizdigi sharalaryn saqtańyzdar.
Otyn jáne elektr júıesiniń durystyǵyn qadaǵalaý mańyzdy. Árqashan ońaı qol jetimdi jerde órt sóndirgish saqtańyz. Qysta muzdatylǵan bólshekterdi jylytý úshin ashyq otty paıdalanbańyz", - dep eskertedi Qaraǵandy oblysynyń Tótenshe jaǵdaılar departamenti.
