Qoldanystaǵy ımmýndaý baǵdarlamasynyń kómegimen elde sońǵy jyldary syrqattanýshylyqtyń tómendeýi baıqaldy, dep habarlaıdy Almaty-akshamy.kz Densaýlyq saqtaý mınıstrligine sileme jasap.
• qyzamyq 2 myń ese (1998 jyly 15346 jaǵdaıdan 2023 jyly 7 jaǵdaıǵa deıin),
• parotıt 211 ese (1998 jyly 5490 jaǵdaıdan 2023 jyly 26 jaǵdaıǵa deıin).
Mundaı derekterdi búgin Almatyda Eýropalyq ımmýndaý aptalyǵy sheńberinde ótken Halyqaralyq konferensıaǵa qatysýshylar keltirdi.
Sonymen qatar, "V" gepatıtiniń jaǵdaılary - 1998 jyly 3943 jaǵdaıdan 2023 jyly 39 jaǵdaıǵa deıin, 101 eseden astam, al týǵannan bastap 1998 jyly 953 jaǵdaıdan 2023 jyly 3 jaǵdaıǵa deıin vaksınasıalaýdy bastaǵan balalardyń arasynda tómendedi.
Dıfterıa (2009 jyldan bastap), polıomıelıt (1996 jyldan bastap) jaǵdaılary tirkelgen joq. Sirespe, kókjóteldiń jekelegen jaǵdaılary tirkelýde, olar negizinen (83% deıin) vaksınasıalanbaǵan adamdardyń arasynda tirkelgen.
2024 jyly jatyr moıny obyrynyń qozdyrǵyshy adam papıllomasy vırýsyna qarsy vaksınasıalaý Ulttyq vaksınasıalaý kúntizbesine engizildi. Jatyr moıny obyry - álemdegi áıelderde taralýshylyǵy boıynsha 4-shi oryndaǵy obyr bolyp tabylady. Jyl saıyn álemde 604 myń jańa dıagnoz qoıylǵan jaǵdaı jáne jatyr moıny obyrynan 342 myń ólim tirkeledi.
Qazaqstanda jylyna 1900 jańa jatyr moıny obyry jaǵdaıy anyqtalady jáne 600-ge jýyq áıeldiń ómirin qutqarý múmkin emes. Sondyqtan Qazaqstan Respýblıkasynyń Ulttyq kúntizbesine adam papıllomasy vırýsyna qarsy vaksınasıalaýdy engizý elimizdiń bolashaq urpaǵynyń densaýlyǵyn qorǵaýdaǵy mańyzdy qadam bolyp tabylady.