Almaty qalasynda 240 nysandaǵy deklarasıany kim jáne qaı ýaqytta tapsyratyny baıandaldy
Bul týraly Óńirlik komýnıkasıalar qyzmetiniń alańynda Almaty qalasy boıynsha Memlekettik kirister departamenti keńse monıtorıńi basqarmasynyń bas mamany Qaırat Turymbetov baıandap berdi, - dep habarlaıdy almaty-akshamy.kz
240-nysandaǵy deklarasıany tapsyrý merzimi kiristi alǵannan keıingi jyldan keshiktirilmeýi qajet.
«Eger kiris 2023 jyly alynǵan bolsa, onda deklarasıa 2024 jyldyń 31 naýryzynan keshiktirilmeı tapsyrylady», - dep túsindirdi spıker.
Deklarasıany tapsyrý merzimderin buzýǵa keletin bolsaq, birinshi ret eskertý beriledi, qaıtalap buzý 15 AEK mólsherinde aıyppul salýǵa ákep soqtyrady.
Departamenttiń málimetinshe, azamattardyń kelesi sanattary jeke tabys salyǵy boıynsha deklarasıa tapsyrady:
- jeke kásipkerler;
- jeke praktıkamen aınalysatyn tulǵalar;
- múliktik kiris alǵan jeke tulǵalar;
- Qazaqstan Respýblıkasynan tysqary jerlerdegi kózderden tabys alǵan jeke tulǵalar jáne t.b.
Jyldyq tabysqa jeke tulǵanyń barlyq kiris túrleri kiredi. Mysalǵa, bul qatarǵa taýardy satýdan, jumysty oryndaýdan, óteýsiz alynǵan múlikten, dıvıdendter túrindegi tabystar, syıaqylar, utystar, stıpendıalar, múliktik kirister jáne t.b. jatady.