26 jastaǵy jigit almatylyqtarǵa arzan baǵada un alyp berýge ýáde etken.
Boljam boıynsha ınternet arqyly áreket etken 26 jastaǵy B.esimdi azamattyń ınternet-alaıaqtyqtyń eki deregine qatysy bary anyqtaldy, dep habarlaıdy Almaty-akshamy.kz Polisia.kz-ke silteme jasap
«Naqtyraq aıtsaq, ol aldyn ala tólem talap ete otyryp, arzan un satý týraly jalǵan habarlandyrýlar jarıalaǵan. Aqshany alǵannan keıin qaskóı baılanysqa shyǵýyn toqtatty. QR QK-niń 190-baby 2-bóligi boıynsha qylmystyq is tirkeldi. Kúdiktini ustaý kezinde odan eki telefon tárkilenip, olar aıǵaqty zat retinde qylmystyq iske tirkeldi. Qazirgi ýaqytta is boıynsha basqa da mán-jaılardy anyqtaý úshin tergeý amaldary júrgizilip jatyr. Sondaı-aq basqa da yqtımal qylmystyq epızodtardy anyqtaý jumystary jalǵasýda», – dedi Almaly aýdandyq polısıa basqarmasynyń bastyǵy Esen Ysqaqov.
Al tártip saqshylary ustalǵan azamattyń áreketinen zardap shekken adamdardy myna telefon nómirleri arqyly habarlasýǵa shaqyrady: 8-775-747-77-78; 8-705-555-77-63; 8-778-481-19-00; 8-708-707-92-02. Polıseılerdiń málimetinshe, qylmystyq istiń basqa da mán-jaılary QR QPK-niń 201-baby men QR Konstıtýsıasynyń normalaryna sáıkes jarıa etýge jatpaıdy.