Interaktıvti karta - ashyq aqparat
2023 jyly Qazaqstanda balanyń ál-aýqatynyń ındeksi bar ınteraktıvti karta engiziledi. Jınalǵan derekterdiń kómegimen mamandar bilim berý, densaýlyq saqtaý, qaýipsizdik, áleýmettik qorǵaý, ınfraqurylym, qorshaǵan ortany qorǵaý salalarynda balalardyń jaǵdaıyn jaqsartý boıynsha ulttyq saıasattyń tıimdiligin baqylaı alady. Kartany jasaýda túrli vedomstvolardyń statısıkalyq málimetteri, áleýmettik zertteýler men anonımdi saýalnamalar men suhbattardyń nátıjeleri negizge alynady.
Eske salaıyq, balalardyń ál-aýqatynyń ındeksi Premer-Mınıstrdiń qaýlysymen bekitilgen. Qazir aqparat jınaý boıynsha belsendi jumys júrip jatyr.
«Balalar ál-aýqatynyń ulttyq monıtorıńi degenimiz – Qazaqstan Respýblıkasynyń barlyq terıtorıasyndaǵy 3 mln-nan astam balanyń ál-aýqatyn, jaǵdaıyn bilý úshin jasalyp jatqan monıtorıń. Iaǵnı ınteraktıvti karta – bul ashyq aqparat. Onda balalardyń jaǵdaıynyń qaı óńirlerde qandaı ekenin, qandaı jaǵdaıda turǵanyn kez kelgen azamat kóre alatyn bolady», - deıdi QR BǴM Balalardyń quqyqtaryn qorǵaý komıteti tóraǵasynyń orynbasary Dýlat Jekebaev.