Maınıng kompanıalarǵa elektr energıasynyń neǵurlym joǵary tarıfi bekitilmek. Bul týraly Úkimet otyrysynda QR Ulttyq ekonomıka mınıstri Álibek Qýantyrov aıtty, dep habarlaıdy Almaty-akshamy.kz QazAqparatqa silteme jasap.
«Maınıngke salyqty birneshe ese ulǵaıtý jónindegi tapsyrmany oryndaý boıynsha mınıstrlik tıisti tásilderdi pysyqtaýda. Búgingi tańda shamamen 640 MVt elektr qýatyn resmı tirkelgen maınıngtik kompanıalar tutynady. Sonymen qatar, «kóleńkeli» maınıngti tutyný resmı tirkeýdi talap etedi. Bul rette, maınıngtik kompanıalar elektr energıasyn tikeleı energıa óndirýshi uıymdardan nemese rettelmeıtin energıamen jabdyqtaýshy uıymdardan tutynady. Munyń basty sebebi - tarıftiń tartymdylyǵy», - dedi mınıstr.
Onyń atap ótýinshe, osyǵan baılanysty mınıstrlik tutynýshylardyń basqa toptaryna qaraǵanda olar úshin neǵurlym joǵary tarıfter belgileý maqsatynda energıa óndirýshi uıymdar tutynýshylarynyń jeke tobyn bólý máselesin qaraýdy usynady.