Almaty qalasynda 2022 jylǵy 15 aqpan qar tazalaý boıynsha aqparat
Almaty qalasynda qystyń sońǵy aıynda rekordtyq mólsherde - qalada 17-20 sm qar (09.30-daǵy jaǵdaı boıynsha), taý bókterindegi aýdandarda 35 sm-ge deıin, taýly jerlerde 50 sm-ge deıin qar jaýdy.
Kóktaıǵaqtyń aldyn alý maqsatynda saǵat 00.00-den bastap joldarǵa kóktaıǵaqqa qarsy materıaldar sebiledi. Túngi saǵat 03.30-dan bastap jol polısıasynyń patrúldik mashınalarynyń erip júrýimen qar kúreý kolonnalary uıymdastyryldy. Tańerteńgi qarbalas ýaqytta avtokólikterdiń kedergisiz júrýin uıymdastyrý maqsatynda magıstraldy kóshelerde jáne qalanyń joǵarǵy bóliginde qar úsh ret tazartyldy.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, ortaq paıdalaný oryndaryn mehanıkalandyrylǵan jáne qolmen tazalaý jumystary kúsheıtildi.
Saǵat 09.30-daǵy jaǵdaı boıynsha 450 tekshe metr qar shyǵaryldy.
Qar tazalaýǵa barlyǵy 616 birlik arnaıy tehnıka, 1463 jol jumysshysy jumyldyryldy, kóktaıǵaqqa qarsy 3050 tonna materıal paıdalanyldy.
Aýdandyq ákimdikterde jumys óndirisin baqylaý boıynsha táýlik boıy kezekshilik uıymdastyryldy.
"Qazgıdromettiń" boljamy boıynsha, 15 aqpanda kúnniń birinshi jartysynda qardyń jaýýy toqtaıdy. Búgin kúndiz aýa temperatýrasy 0-3 gradýs aıaz bolady.
Almaty qalasynyń turǵyn úı saıasaty basqarmasy