Adam basyna eki nesıege deıin jetken
Biraq qaryz kólemi 550 myń teńgege deıin qysqarǵan. Zertteýdi IDF Eurasia júrgizgen. Zertteýge sáıkes, bıyl toǵyz aıda jeke tulǵalarǵa berilgen mıkronesıe 44%-ke ósti. Degenmen, mundaǵy qaryzdardyń maqsaty ózgermegen. Mysaly, qymbat telefondar, noýtbýktar men planshetterdi nesıege alatyndar azaıǵan. Olar jalpy qaryz alýshylardyń 57%-ne jetedi, dep habarlaıdy Almaty-akshamy.kz 24.kz-ke silteme jasap.
Qazaqstandyqtardyń 24%-i úı jóndeý úshin nesıe rásimdese, qalǵan 19% mıkronesıe alýdan bas tartqan. Bul 18 ben 25 jas aralyǵyndaǵy jastarǵa qatysty aqparat. Al 25 pen 45 jas aralyǵyndaǵylardyń basym bóligi ıpoteka rásimdep, kólik alý úshin nesıe alǵan. Bul jastan asqan azamattar balalaryn oqytýǵa nemese turmystyq tehnıka alýǵa mıkronesıe rásimdegen.
Saýalnama júrgizgen mamandar aldaǵy jyly da bul tendensıa saqtalady dep otyr. Elimizde bilim salasyna quıylatyn ınvestısıa azaıǵan. Bıyl toǵyz aıda bul baǵyt ótken jylmen salystyrǵanda 16%-ke az aqsha enshiledi.
Energyprom.kz habarlaýynsha, bilim salasyndaǵy ınvestısıanyń jartysynan kóbi 4 óńirge tıeseli. Bul Almaty, Túrkistan oblysy, Shymkent jáne Nur-Sultan qalalary. Al eń az qarjy quıylǵan aımaqtar Batys Qazaqstan oblysy, Aqtóbe, Mańǵystaý jáne Atyraý oblysy.
Elordaǵa keletin týrıs kóbeıgen
«AstanaInvest» qalalyq ınvestısıalardy damytý ortalyǵynyń habarlaýynsha, ótken jylmen salystyrǵanda bıyl toǵyz aıda kelgen týrıs sany shamamen 88% kóp. Osy aralyqta bas qalaǵa jarty mıllıonnan astam týrıs kelgen. Olardyń on prosentten astamy sheteldikter. Sondaı-aq shaharda tirkelgen áýe jolaýshylarynyń sany 61%-ke ósken. Bul kovıdke qarsy vaksınalaýdyń qarqyn alyp, pandemıamen belsendi kúres nátıjesinde tirkeldi deıdi mamandar.
«Qazaqstandy monetalar arqyly zertte!». Ulttyq bank osyndaı ataýmen jańa koleksıalyq monetalar shyǵarady. Onda elimizdiń mádenıet pen sport salalaryndaǵy jetistikteri beınelenedi. Sondaı-aq «Jaratylys syrlarynda» degen jańa serıa jasalady. Onda táńirshildik, úndi, qytaı, mysyr órkenıetteri salynady. Monetanyń tantaldan jasalǵan jaǵynda kóne órkenıettiń elementteri, al, kúmisten quıylǵan jaǵynda qazirgi zamannyń kórinisteri beınelenedi. Eń birinshi bolyp «Táńirlik tanym» men «Úndilik tanym» atty monetalar shyǵady. Budan bólek keler jyly «Saqtar stıli» atty jańa 100 teńgelik monetalardyń 5 túri 5 mln danamen aınalymǵa túsedi. Aldaǵy eki jylda qazaqtyń halyq ertegileri men ulttyq oıyndary beınelengen monetalar da shyǵarylady dep josparlanǵan.
Álemdik JİÓ $100 trln jetýi múmkin
2022 jyly álemdik jalpy ishki ónim kólemi 100 trıllıon dollarǵa deıin jetýi múmkin.
Centre for Economics and Business Research sarapshylary osylaı deıdi. Mamandardyń aıtýynsha, bul pandemıadan keıingi jaǵdaıdyń qalpyna kelýimen baılanysty bolady. Biraq qymbatshylyq saqtalsa, árıne, álem elderine ekonomıkany resessıaǵa ákelý qıyndaı túsedi. Sondyqtan bul tek sarapshylar boljamy ǵana. Aıta keteıik, qazir álemdik jalpy ishki ónim 94 trıllıon dollar. Onyń 42%-y Qytaıdyń enshisinde.