Ózbekstanda turatyn eń qart turǵynnyń jasy resmı túrde rastaldy, - dep habarlaıdy Aqshamnews.kz.
Ádilet mınıstrliginiń dereginshe, Ferǵana oblysynyń Bývaıda aýdanyndaǵy «Qoraqum» mahallasynda turatyn Hývaıdo Ýmarova (Toshmatova) 1895 jyldyń 1 qańtarynda dúnıege kelgen.
Bul fakt Qoqandtaǵy azamattyq ister jónindegi aýdanaralyq sottyń kóshpeli otyrysynda anyqtalǵan. Tekserý qart ananyń úıinde ótti.
Endi týystary Hývaıdo Ýmarovanyń esimin Gınnes rekordtar kitabyna engizý úshin ótinish berýdi josparlap otyr. Buǵan deıin mundaı múmkindik bolmaǵan, sebebi 1999 jyly berilgen tólqujatynda týǵan kúni kórsetilmepti.
Mınıstrlik resmı túrde jastyǵyn rastaǵan soń, 130 jasqa tolǵan Hývaıdo Ýmarovanyń álemdegi eń qart adam retinde moıyndalýyna múmkindik týdy.