Bıyl ınflásıa da rekord ornatty.
QR Premer-Mınıstriniń orynbasary Altaı Kólginov zeınetaqy men járdemaqyny ındeksteý jónindegi suraqqa jaýap berdi, dep habarlaıdy Almaty-akshamy.kz
Altaı Kólginov ótken jyly zeınetaqynyń ındekstelgenin eske saldy. Ol bul sharalar halyqtyń tabysyn arttyrýǵa baǵyttalǵanyn atap ótti.
«Zeınetaqy ósti. Bıyl ınflásıa da rekord ornatty. Muny eshkim jasyrmaıdy. Sondyqtan aldaǵy ýaqytta ındeksteý de júrgiziledi. Bıylǵa sheshim qabyldanyp qoıdy», - dedi ol.
Bul rette ol elimizde áleýmettik járdemaqylarmen qatar dárigerlerdiń, medısına qyzmetkerleri men muǵalimderdiń jalaqysy kóterilgenin tilge tıek etti.
«Jalpy, barlyq salada jalaqy ósip jatyr. Onyń ishinde jeke kompanıalar da bar. Kásipodaqtar, jumys berýshiler jáne jergilikti atqarýshy organdar arasynda úsh jaqty kelisimder bar. Bul jumystar turaqty túrde júrgiziledi», - dedi Altaı Kólginov.