Sot talqylaýynyń merzimi bekitiledi.
Pavlodar oblysy polısıa departamentiniń burynǵy basshysy Nurlan Másimovtiń ústinen qozǵalǵan is boıynsha alǵashqy sot otyrysy ótip jatyr, dep habarlaıdy Almaty-akshamy.kz QazAqparatqa silteme jasap.
«Búgin saǵat 15:00-de Pavlodar oblysynyń qylmystyq ister jónindegi mamandandyrylǵan aýdanaralyq sotynda aldyn ala tyńdaý belgilendi. Aldyn ala tyńdaý qorytyndysy boıynsha negizgi sot talqylaýynyń merzimi bekitiledi», - dep habarlandy oblystyq sottan.
Eske salaıyq, byltyr 17 qańtarda Pavlodar oblysy polısıa departamentiniń basshysy Nurlan Másimov qyzmetinen bosatylǵan edi.
Sol jyly maýsymda Pavlodar oblystyq polısıa departamentiniń burynǵy bastyǵy Nurlan Másimovke izdeý jarıalanǵan edi.
Oǵan asa aýyr sybaılas jemqorlyq qylmys jasady degen aıyp taǵyldy.
Keıin izdeý jarıalanǵan Nurlan Másimov týraly aqparat bergen adamǵa 12 mln teńgege deıin syıaqy beriletini habarlandy.
2022 jyly 13 shilde de QR Ulttyq qaýipsizdik komıtetiniń ókilderi Nurlan Másimovti Reseımen shekarada ustady.