Qoldanystaǵy zańda mundaı áreket jasaǵandarǵa eń qatal jaza retinde 2 jylǵa sottaý belgilengen.
Qujat 17 shildege deıin kópshilik talqylaýda bolady, dep habarlaıdy Almaty-akshamy.kz
Antıkor Qylmystyq kodekske osyndaı ózgeris engizýdi usynyp otyr.
«İri mólsherde syıaqy alýmen baılanysty ne qorqytyp alýmen ushtasqan is-áreketter – múlki tárkilenip nemese onsyz, belgili bir laýazymdardy atqarý nemese belgili bir qyzmetpen aınalysý quqyǵynan 3 jylǵa deıingi merzimge aıyra otyryp, 3 000 AEK-ke (10 350 000 teńgege) deıin aıyppul salýǵa ne sol mólsherde túzeý jumystaryna ne 800 saǵatqa deıingi merzimge qoǵamdyq jumystarǵa tartýǵa ne 3 jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady», - delingen Ashyq NQA portalynda jarıalanǵan Qylmystyq kodekstiń jańa redaksıasynda.
Qazirgi zańda mundaı áreket jasaǵandarǵa eń qatal jaza retinde 2 jylǵa sottaý, osy merzimge bas bostandyǵyn shekteý nemese 6 mln 900 myń teńge aıyppul salý sharalary qoldanylady. Sondaı-aq kináli dep tanylǵan adam sot sheshimimen 600 saǵatqa qoǵamdyq jumystarǵa tartylady. Endi zańsyz syıaqy alǵandarǵa 3 jylǵa bas bostandyǵynan aıyrý, 10 mln teńgeden asa aıyppul salý jáne 3 jylǵa jylǵa bostandyǵyn shekteý jazasy qoldanylmaq.