Buǵan deıin ol TMD bas hatshysynyń orynbasary qyzmetin atqarǵan.
Prezıdent Qasym-Jomart Toqaevtyń jarlyǵymen Dáýren Abaev jańa qyzmetke taǵaıyndaldy, dep habarlaıdy Almaty-akshamy.kz
"Memleket basshysynyń jarlyǵymen Dáýren Áskerbekuly Abaev Qazaqstan Respýblıkasynyń Reseı Federasıasyndaǵy tótenshe jáne Ókiletti Elshisi laýazymyna taǵaıyndaldy", - delingen Aqorda taratqan aqparatta.
Dáýren Áskerbekuly Abaev 1979 jyly Almaty oblysynda dúnıege kelgen.
2001 jyly Ál-Farabı atyndaǵy Qazaq ulttyq ýnıversıtetin, 2006 jyly Leıden ýnıversıtetin támamdaǵan.
2001 jyldyń tamyzy men 2003 jyldyń tamyzy aralyǵynda Qazaqstan Respýblıkasy Syrtqy ister mınıstrliginiń ortalyq apparatynda jumys istegen.
2003 jyldyń mamyry men 2007 jyldyń mamyry aralyǵynda Qazaqstan Respýblıkasynyń Ázerbaıjandaǵy jáne Nıderland Koróldigindegi Elshilikterinde dıplomatıalyq qyzmet atqarǵan.
2007 jyldyń mamyry men 2007 jyldyń jeltoqsany aralyǵynda — Qazaqstan Respýblıkasy Syrtqy ister mınıstrliginiń baspasóz qyzmeti bóliminiń bastyǵy.
2007 jyldyń jeltoqsany men 2008 jyldyń jeltoqsany aralyǵynda – Qazaqstan Respýblıkasy Prezıdenti Protokolynyń bas sarapshysy, konsýltanty.
2008 jyldyń jeltoqsany men 2009 jyldyń qazany aralyǵynda — QR Prezıdentiniń baspasóz hatshysynyń orynbasary.
2009 jyldyń qazanynan bastap Qazaqstan prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory.
2011-2016 jylǵy 6 mamyrǵa deıin Qazaqstan prezıdentiniń baspasóz hatshysy, keńesshisi qyzmetin atqarǵan.
2016 jyldyń mamyry men 2019 jyldyń aqpan aralyǵynda – QR Aqparat jáne komýnıkasıalar mınıstri.
2019 jyldyń aqpany men 2020 jyldyń mamyry aralyǵynda – Qazaqstan Respýblıkasy aqparat jáne qoǵamdyq damý mınıstri.
2020 jyldyń 4 mamyrynan bastap Qazaqstan Respýblıkasy Prezıdent Jarlyǵymen Qazaqstan Respýblıkasy Prezıdentiniń Ákimshiligi Basshysynyń birinshi orynbasary qyzmetine taǵaıyndaldy.
2022 jyly 11 qańtarda QR Mádenıet jáne sport mınıstri bolyp taǵaıyndaldy.
2023 jyldyń naýryzynda TMD Bas hatshysynyń orynbasary boldy.