Ár jarty jyl saıyn usynylatyn Webometrics Ranking of World Universities-2022 álemdik úzdik bilim berý mekemeleri veb-saıttarynyń halyqaralyq reıtıńi jarıalandy. Webometrics Ranking of World Universities – bul ýnıversıtet saıtynyń jáne onyń zertteýshi ǵalymdarynyń Scopus jáne Google Scholar ǵylymı metrıkalyq júıelerindegi jarıalanymdarynyń qajettiligin eskeretin kórsetkishke negizdelgen álemdik ýnıversıtetterdiń jahandyq reıtıńi.
Qazirgi ýaqytta álemniń 15 914 ýnıversıteti arasynda Webometrics reıtıńine Qazaqstan Respýblıkasynyń 132 ýnıversıteti qatysty. Atalmysh reıtıńtiń qorytyndysy boıynsha Abaı atyndaǵy QazUPÝ saıty Qazaqstannyń TOP-7 úzdik joǵary oqý oryndarynyń qataryna kirdi (2022 jyldyń qańtary – 10 oryn).
Reıtıń ádisnamasy joǵary oqý oryndarynyń jahandyq aqparattyq keńistikte usynylýyn taldaýǵa negizdelgen. Ýnıversıtettiń ǵylymı qyzmetiniń belsendiligine taldaý júrgiziletin Web-ındıkatorlar profesor-oqytýshylar quramy men stýdentterdiń zertteý qyzmetine qanshalyqty tartylǵanyn anyqtaýǵa múmkindik beredi. Cybermetrics Lab ádistemesine sáıkes ýnıversıtetterdi reıtıńteý algorıtmi úsh kórsetkishke negizdelgen: Impact, Openness, Excellence. Abaı atyndaǵy QazUPÝ-dyń osy reıtıńtegi jyl saıynǵy ilgerileýi onyń álemdik joǵary bilim júıesindegi turaqty ornyn taǵy bir márte rastaıdy.
Halyqaralyq reıtıńterge qatysý ýnıversıtetti jahandyq ǵylymı keńistikte ornyqtyrýǵa, halyqaralyq bilim berý ortasyna kirýge, bilim berý jáne ǵylymı-zertteý prosesterin halyqaralyq erejeler men standarttarmen úılestirýge, bilim berý qyzmetiniń sapasyn arttyrýǵa jáne ósýdiń jańa múmkindikterin tabýǵa jol ashady. Ýnıversıtetterdiń ulttyq jáne halyqaralyq reıtıńterinde Abaı ýnıversıteti uzaq jyldar boıy úzdikter qatarynda bolyp keledi jáne turaqty túrde Qazaqstannyń jetekshi pedagogıkalyq ýnıversıteti bolyp tabylady. Bul jetistikterdińń bári oǵan zertteý ýnıversıteti bolý maqsatyna jaqyndaýǵa múmkindik beredi.