VAK Nur-Sultan qalasy boıynsha epıdemıologıalyq ahýaldy qarady
Premer-Mınıstrdiń orynbasary Eraly Toǵjanovtyń tóraǵalyǵymen Densaýlyq saqtaý mınıstri Alekseı Soıdyń qatysýymen QR aýmaǵynda COVID-19 taralýyna jol bermeý jónindegi vedomstvoaralyq komısıanyń kóshpeli otyrysy ótti, onda Nur-Sultan qalasy boıynsha epıdemıologıalyq jaǵdaı qaraldy, dep habarlady Almaty-akshamy.kz Densaýlyq saqtaý mınıstrliginiń habaryna silteme jasap.
Búgingi tańda Nur-Sultan qalasyndaǵy epıdemıologıalyq ahýal qolaısyz bolyp qala berýde: sońǵy aptada KVI-men syrqattanýshylyqtyń ósýi 43%-ti qurady, tósek-oryn júktemesiniń artqandyǵy jáne emdeýge jatqyzylatyn naýqastar sanynyń ulǵaıý tendensıasy baıqalady.
Keńeste Densaýlyq saqtaý mınıstrligi basshylyǵy tarapynan qala emhanalarynda epıdemıaǵa qarsy rejımniń buzylǵandyǵy, KVI juqtyrǵan naýqastarǵa medısınalyq kómektiń ýaqytyly kórsetilmeıtindigi men sapasyzdyǵy, sondaı-aq monıtorıńtik toptar jumysynyń álsireýi, halyqty vaksınalaý boıynsha belsendi jumystyń jetkiliksizdigi atap ótildi. Aǵymdaǵy jylǵy mamyr aıynda elorda boıynsha halyqty KVI-ǵa qarsy ımmýndaý kórsetkishi sáýir aıymen salystyrǵanda 50% - ke tómendegen.
Barlyq anyqtalǵan kemshilikter boıynsha Eraly Toǵjanov Nur-Sultan qalasynyń ákimdigine bir apta ishinde epıdemıologıalyq ahýaldy turaqtandyrý úshin olardy joıý boıynsha túbegeıli sharalar qabyldaýdy tapsyrdy. Bul másele VAK-tyń turaqty baqylaýynda bolady.
