Asqar Mamın volonterlik qozǵalysty yntalandyrý sharalaryn kúsheıtýdi tapsyrdy
QR Premer-Mınıstri Asqar Mamınniń tóraǵalyǵymen ótken Úkimet otyrysynda Volonterlikti damytýdyń 2021-2023 jyldarǵa arnalǵan jol kartasynyń oryndalý barysy qaraldy, dep habarlady Almaty-akshamy.kz QR Premer-Mınıstrdiń saıtyna silteme jasap.
Aqparat jáne qoǵamdyq damý mınıstri Aıda Balaeva, Almaty oblysynyń ákimi Amandyq Batalov, Nur-Sultan qalasynyń ákimi Altaı Kólginov, Ulttyq volonterlik jelisiniń dırektory Tatána Mıronúk baıandama jasady.
Volonterlik qazaqstandyqtardyń azamattyq belsendiliginiń mańyzdy formasyna aınalýda. Volonter jylyn ótkizý nátıjesinde volonterlik uıymdar sany 3 esege, belsendi eriktiler sany 4 esege artty. Pandemıa kezeńinde elimizde 950 myńnan astam eriktiler gýmanıtarlyq kómekti taratýda, múmkindigi shekteýli adamdarmen, balalarmen jáne jasóspirimdermen jumys isteýde jáne t.b kómek kórsetti. Ótken jyly qurylǵan volonterlerdiń respýblıkalyq jáne 17 óńirlik front-ofısteriniń jumysy jalǵasýda. Osy jyldyń İ jartyjyldyǵynda 113 myńnan astam volonterdiń qatysýymen 6 myńǵa jýyq is-shara ótkizildi. Volonterlikti damytýdyń 2021-2023 jyldarǵa arnalǵan jol kartasy aıasynda 528 mln teńge somasyna 40-tan astam jobany iske asyrý kózdelgen. «TALAP» ortalyǵynyń baǵalaýynsha, 2020 jyly volonterlerdiń Qazaqstan ekonomıkasyna qosqan ekonomıkalyq úlesi 3,9 mlrd teńgeni qurady. Volonterlik qyzmettiń eń kóp úlesi densaýlyq saqtaý jáne áleýmettik qyzmetter salasyna 68%, abattandyrý jáne tazalyq salasyna 12% tıesili.
«Biz eriktiler qozǵalysynyń zor áleýeti men naqty paıdasyn kórdik. Sondyqtan Memleket basshysy Qasym-Jomart Toqaevtyń bastamasy boıynsha bıylǵy jyl volonterlik bastamalardyń jalǵasyna aınaldy. Qoǵamda ózara kómek pen qaıyrymdylyq prınsıpterin odan ári damytý qajet», — dedi Asqar Mamın.
Aqparat jáne qoǵamdyq damý mınıstrligine múddeli memlekettik organdarmen birlesip volonterlik qyzmet máseleleri boıynsha zań jobasyn sapaly pysyqtaýdy qamtamasyz etý jáne ony bıylǵy 1 shildege deıin Úkimetke engizý, sarapshylarmen birlesip volonterlik qyzmetti qoldaý standartyn ázirleý jáne volonterlikti odan ári damytýdyń negizgi baǵyttary boıynsha memlekettik organdarǵa usynymdar ázirleý tapsyryldy. Premer-Mınıstr memlekettik organdarǵa quqyqtyq jáne psıhologıalyq kómek kórsetý, tarıhı-mádenı mura obektilerin saqtaý, tótenshe jaǵdaılardyń saldaryn joıý jáne basqa da salalarda salalyq volonterlikke, onyń ishinde sıfrlyq, onlaın-volonterlik, ekovolonterlik úshin jaǵdaı jasaýdy jáne jandandyrýdy tapsyrdy. Óńirlerdiń ákimdikterine eriktiler qozǵalysyn yntalandyrý sharalaryn kúsheıtý, turaqty monıtorıń jasaý júıesin jolǵa qoıý jáne osy jyldyń 1 tamyzyna deıin 2023 jylǵa deıingi Óńirlik jol kartalaryn qabyldaý tapsyryldy. Úkimet basshysy Táýelsizdiktiń 30 jyldyǵyn merekeleý aıasynda volonterlik uıymdarmen birlesip, Jalpyulttyq ıgi ister marafonyn iske asyrýǵa jurtshylyqty keńinen tartý qajettigin atap ótti. Aqparat mınıstrligine memlekettik organdarmen jáne Ulttyq volonterlik jelimen birlesip, úzdik volonterlik tájirıbelerdi belsendi túrde nasıhattaý jáne barlyq deńgeıde aqparattyq-túsindirý jumystaryn kúsheıtý tapsyryldy.
