Bul kúni Ahmet Baıtursynov dúnıege kelgen.
Qazaqstandyq mamandar 5 qyrkúıekti Stýdentter kúni etip bekitýge usynys jasaldy, dep habarlaıdy Almaty-akshamy.kz QazAqparatqa silteme jasap.
«QR Prezıdentiniń Jarlyǵymen Qazaqstanda Stýdentter kúnin bekitýdi usynamyn. 5 qyrkúıek - ult aǵartýshysy Ahmet Baıtursynulynyń týǵan kúni. Sondyqtan osy datany Stýdentter kúni etip bekitýdi usynamyn. Tek qana bekitip qana qoımaı, sol kúni stýdentterge ataqty ǵalymdar dáris oqysyn. Óz basym ult ustazy Ahmet Baıtursynulynyń týǵan kúni laıyqty dep esepteımin», - dedi L.Gýmılev atyndaǵy EUÝ-nyń rektory Erlan Sydyqov.
Sondaı-aq, rektor stýdentterge arnalǵan «Tálimger» ulttyq baǵdarlamasyn jasaýdy usyndy.
«Atalǵan baǵdarlama aıasynda stýdentterge arnalǵan kórnekti mamandar, ǵalymdar jáne sport sheberleriniń qatysýymen biliktilik kýrstary uıymdastyrylsa. Odan bólek, stýdentter uıymdarynyń rebrendıngi jáne stýdentter odaǵyn qurý máselesin qarastyrýdy suraımyn. Odaq aıasynda jastarǵa qoldaýǵa arnalǵan túrli jobalar qolǵa alynýy tıis. Sol sıaqty stýdentterdiń ózin ózi basqarý sharasyn da qaıta qarastyrǵan jón. Mınıstr óz sózindi ózin ózi basqarý máselesin jıi kóterip keledi», - deıdi ol.
Aıta ketsek, búgin elordadaǵy L. Gýmılev atyndaǵy Eýrazıa ulttyq ýnıversıtetinde respýblıkalyq rektorlar keńesiniń otyrysy ótti. Atalǵan jıynda «Jańa Qazaqstan» tujyrymdamasyna sáıkes otandyq joǵary bilim berýdiń sapasyn odan ári kóterý máseleleri qaraldy.