Memleket basshysyna sot júıesiniń qazirgi jaǵdaıy men sot tóreligine qatysty ózekti máseleler týraly aqparat berildi, dep habarlaıdy Almaty-akshamy.kz
Jaqyp Asanovtyń aıtýynsha, byltyr aýdandyq sottar shyǵarǵan 1,2 mıllıon sot sheshiminiń 1,4 paıyzyn nemese 17 myń isti joǵarǵy satydaǵy sottar keri qaıtarǵan nemese ózgertken.
Qasym-Jomart Toqaevqa 2021 jyldyń 1 shildesinen bastap jumys isteı bastaǵan ákimshilik sottardyń qyzmeti týraly málimet berildi. Jarty jylda sottarǵa 14 myń talap aryz túsken. Memlekettik organdar árbir ekinshi iste utylǵan. Buryn qaralǵan isterdiń 85 paıyzy memlekettik organdardyń paıdasyna sheshiletin.
Prezıdentke daýlardy sheshýdiń balamaly tásilderi týraly baıandaldy. Ákimdiktermen birlese otyryp, jergilikti jerlerde sottan tys medıasıa ortalyqtary qurylǵan. Sottar daý-damaılardyń mámilege kelý arqyly sheshilýine kómektesedi. Buryn taraptardyń tek 3 paıyzy ǵana tatýlassa, qazir bul kórsetkish 34 paıyzǵa jetken.
Joǵarǵy Sot tóraǵasy qylmystyq sot tóreligi salasynda da ahýaldyń ózgerip jatqanyn baıandady. Onyń aıtýynsha, sottarda kinálaýǵa beıim turý isi tyıylyp keledi. Sońǵy 4 jylda aýyr jáne asa aýyr qylmystar boıynsha aqtalǵandar sany 7 ese (jylyna 20-30-dan 200-ge deıin) kóbeıgen.
Kezdesý qorytyndysy boıynsha Memleket basshysy sot organdaryn jańǵyrtý aıasynda júzege asyrylatyn birqatar mindetti aıqyndap berdi.