Kúdikti kinásin moıyndady
Elorda áýejaıynda ishimdik ishken jolaýshy «ushaqta bomba bar» dep aıqaılap, jolaýshylardy dúrliktirdi, dep habarlaıdy Almaty-akshamy.kz.
Polisia.kz-tiń dereginshe, 21 tamyz kúni saǵat 10.00-da áýejaıdaǵy jelilik polısıa bólimine Nursultan Nazarbaev halyqaralyq áýejaıy termınalynyń sterıldi aımaǵynda Turkish Airlines kompanıasynyń Nur-Sultan – Antalá baǵytyndaǵy áýe reısine jolaýshylardy otyrǵyzý kezinde 44 jastaǵy jolaýshy mas kúıinde birneshe ret «ushaqta bomba bar» dep aıqaılaǵany týraly habarlama tústi.
Áýejaıdy teksergende jarylǵysh qurylǵy, basqa da tyıym salynǵan zattar tabylǵan joq.
Qylmystyq kodekstiń 273-baby (Terorızm aktisi týraly kórineý jalǵan habarlaý) boıynsha sotqa deıingi tergeý bastaldy.
Kúdikti óz kinásin moıyndady. Ýaqytsha ustaý ızolátoryna qamaldy.