Qazir buzaqylarǵa 5 aılyq eseptik kórsetkish túrinde jaza qoldanylady, al Ádilet mınıstrligi atalǵan jazany 41 saǵat qoǵamdyq jumysqa tartýmen aýystyrý kerek degen usynys aıtty, dep habarlaıdy Almaty-akshamy.kz 24.kz-ke silteme jasap.
Májbúrli eńbekke tartý júkti jáne 3 jasqa deıingi balalary bar áıelderge qoldanylmaıdy. Zeınet jasynan asqan azamattar, birinshi jáne ekinshi top múgedektigi bar adamdar men áskerı qyzmetshiler de bul jazaǵa tartylmaıdy. Bul týraly Ákimshilik zańnamany jetildirý tásilderi týraly baıandaǵan Ádilet vıse-mınıstri Alma Muqanova aıtty. Ol qoǵamdyq jumystardy ákimshilik jazanyń negizgi túri retinde belgilep, tártip buzǵandarǵa 10-nan 150 saǵatqa deıin osyndaı jaza qoldanýdy usyndy.
«Qoǵamdyq jumystar – qoǵamdyq paıdaly eńbek. Májbúrli eńbekti qoldaný men uıymdastyrý jergilikti atqarýshy organdar men ishki ister organdaryna júkteý usynady. İshki ister organdarynyń fýnksıalaryna quqyq buzýshylyqtardyń esebin júrgizý, jergilikti atqarýshy organdar uıymdastyratyn qoǵamdyq jumystardyń oryndalýyn baqylaý, buzýshymen profılaktıkalyq jumys júzege asyrý quqyǵyn berý usynylyp jatyr», - deıdi QR Ádilet vıse-mınıstri Alma Muqanova.