Qasym-Jomart Toqaev akademıa mártebesin kóterýdi tapsyrǵan bolatyn.
Úkimettiń 2022 jylǵy 9 qarashadaǵy ókimimen Ulttyq ǵylym akademıasyn qaıta uıymdastyrý jónindegi memlekettik komısıa quryldy, dep habarlaıdy Almaty-akshamy.kz QazAqparatqa silteme jasap.
Qujatta kórsetilgendeı, komısıaǵa Premer-Mınıstrdiń orynbasary – Saýda jáne ıntegrasıa mınıstri Serik Jumanǵarın jetekshilik etedi. Onyń orynbasary bolyp Ǵylym jáne joǵary bilim mınıstri Saıasat Nurbek bekitilse, komısıa hatshysynyń qyzmetin Ǵylym komıtetiniń tóraǵasy Darhan Ahmed-Zákı atqarmaq.
Sonymen qatar memlekettik komısıa quramynda:
- Qarjy vıse-mınıstri Tatána Saveleva;
- Ulttyq ekonomıka vıse-mınıstri Baýyrjan Omarbekov;
- Almaty qalasy ákiminiń orynbasary Asqar Ámrın;
- Ulttyq ǵylym akademıasynyń prezıdenti Murat Jurynov jáne ǵylymı ortalyqtary men ǵylymı-zertteý ınstıtýttarynyń akademıkteri men rektorlary bar.
Eske salaıyq, Ulttyq ǵylym akademıasynyń 75 jyldyǵyna oraı uıymdastyrylǵan sesıada Memleket basshysy Qasym-Jomart Toqaev akademıa mártebesin kóterýdi tapsyrǵan bolatyn.