Respýblıka kóktaıǵaq, tuman bolady.
«Qazgıdromet» mamandary 15-17 qarasha kúnderi aýa raıy qandaı bolatynyn boljady, dep habarlaıdy Almaty-akshamy.kz.
«Respýblıkanyń aýa-raıyna áli de Atlantıkalyq sıklon óz áserin tıgizedi, jaýyn-shashyn, eldiń soltústiginde, ortalyǵynda, ońtústiginde qatty jaýyn-shashyn (jańbyr, qar) boljanady. Respýblıka boıynsha burqasyn, kóktaıǵaq, tuman, qatty ekpindi jel 15-28 m/s saqtalady, 15 qarashada Qaraǵandy jáne Jambyl oblystarynda 30 m/s jáne odan da asa qatty jel kútiledi. Aptanyń sońynda Soltústik-batys antısıklonynyń enýimen jaýyn-shashynnyń toqtaýy jáne temperatýra fony tómendeıdi dep kútilýde», - delingen sınoptıterdiń boljamynda.
Aýa temperatýrasy túnde soltústik, soltústik-batys, shyǵys jáne ortalyqta 10-20 aıazǵa deıin, al ońtústik, ońtústik-shyǵysta 2-10 aıaz, taýly aımaqtarda 10-15 aıazǵa deıin tómendeýi kútiledi.