Úkimettiń sıfrlyq keńsesinde QR Premer-Mınıstri Álıhan Smaıylov áleýmettik mańyzy bar azyq-túlik taýarlarynyń baǵasyn tejeý (ÁMAT) máseleleri boıynsha keńes ótkizdi.
Saýda jáne ıntegrasıa birinshi vıse-mınıstri Arman Shakqalıev jyl basynan beri ÁMAT 22,3%-ǵa, aptanyń qorytyndysy boıynsha 0,2%-ǵa óskenin málim etti, dep habarlaıdy Almaty-akshamy.kz Rrimeminister.kz-ke silteme jasap.
Atap aıtqanda, pıaz baǵasy 1,7%-ǵa, qyryqqabat 0,9%-ǵa, kúrish 0,8%-ǵa, súzbe 0,7%-ǵa, jumyrtqa men sút 0,5%-ǵa qymbattady. Jyl basynan beri ÁMAT baǵasynyń eń kóp ósýi Ulytaý oblysynda (31,4%) jáne Astana qalasynda (25%) baıqaldy.
Onyń aıtýynsha, qazirgi ýaqytta baǵa qalyptasýynyń búkil tizbegi boıynsha deldaldyq sqemalarǵa qarsy kúres jónindegi óńirlik komısıalardyń jumysy júıelenip, olardyń quramy kúsheıtildi. Ol «4-5 býyndyq» deldaldardyń qyzmetine baılanysty bólshek saýda ónimderiniń baǵasy is júzinde 60%-ǵa ósetinin atap ótti. Osy oraıda óńirlik komısıalardyń jumysy kóterme jetkizilim, logıstıka jáne qoıma tizbekteriniń sqemalaryn taldaýǵa, sondaı-aq den qoıý sharalaryn qabyldaýǵa baǵyttalǵan.
Budan basqa, ruqsat etilgen saýda ústemesin (15%) baqylaý bóliginde «úılerdiń janyndaǵy» dúkendermen jumys kúsheıtildi jáne naryqtyń ashyqtyǵyn qamtamasyz etý úshin respýblıka aýmaǵynda taýarlardy qadaǵalaý júıesi jetildirilýde.
Aýyl sharýashylyǵy mınıstri Erbol Qarashókeev eldiń ishki naryǵyn otandyq ónimmen qamtamasyz etý, kókónis óndirisin forvardtyq qarjylandyrý, memlekettik qoldaý alatyn taýar óndirýshiler tarapynan qarsy mindettemelerdiń oryndalýyn baqylaý boıynsha júrgizilip jatqan jumystar týraly baıandady.
QR Básekelestikti qorǵaý jáne damytý agenttigi tóraǵasynyń birinshi orynbasary Rýstam Ahmetov azyq-túlik baǵasynyń negizsiz ósýi faktileri boıynsha qabyldanǵan monopolıaǵa qarsy den qoıý sharalary týraly aıtyp berdi. Atap aıtqanda, ústem jaǵdaıdy teris paıdalanǵany jáne básekelestikke qarsy kelisilgen is-qımyldary úshin birqatar qus fabrıkalaryna qatysty bes tergeý taǵaıyndaldy, ÁMAT naryǵynda qant, taýyq eti men sút ónimderin kóterme jetkizýshilerge 90 habarlama berildi, jumyrtqa, qant, sút ónimderin óndirýshilerge jáne saýda oryndaryna qatysty 19 tergeý taǵaıyndaldy.
«Óńirlerge baǵasynyń aýytqýy asa yqtımal kókónis jáne basqa da taýar túrleri boıynsha kelisimsharttar jasasý jóninde tıisti tapsyrma joldandy. Sonymen qatar keıbir óńirlerdiń josparlanǵan sharalardy oryndamaýyna jáne formaldy túrde qaraýyna baılanysty baǵanyń ósýi baıqalady», - dedi Álıhan Smaıylov.
Premer-Mınıstr maýsymaralyq baǵany ustap turý úshin kókónis boıynsha jedel túrde kelisimsharttar, sondaı-aq qalǵan óńirlerge – qant zaýyttarymen sharttar jasasýdy qamtamasyz etý qajettigin atap ótti.
«İshki naryqty óz azyq-túlikterimizben tolyqtyrý jáne olardy maýsymaralyq kezeńde saqtaý úshin jaǵdaı jasaý boıynsha júıeli jumystar júrgizýdiń mańyzy zor. Óńirlik komısıalar tarapynan deldaldyq sqemalardy tergeý jónindegi ýaqtyly sharalar qajet. Bizdiń basty mindetimiz – azamattardy qoljetimdi baǵada qajetti taýarlarmen qamtamasyz etý», - dedi ol.
Keńesti qorytyndylaı kele, Premer-Mınıstr jańa jyl qarsańynda jaǵdaıdy turaqtandyrý úshin baǵany ustap turýdyń jańa tásilderin tolyqqandy iske asyrýdy, sondaı-aq bir aı merziminde qosymsha zamanaýı kókónis qoımalaryn salý máselelerin pysyqtaýdy tapsyrdy.
«Inflásıanyń joǵary qarqyny ekonomıkanyń údemeli damýyna múmkindik bermeıdi jáne azamattardyń áleýmettik ál-aýqatyna áser etedi. Osyǵan baılanysty kelesi jyly ony 2 esege tómendetý boıynsha jumys – ulttyq qaýipsizdik máselesi bolyp otyr. Bul jumysta formaldylyq bolmaýy tıis», - dedi Álıhan Smaıylov.
Sondaı-aq, keńeste Almaty oblysynda «G4 City» jobasyn odan ári iske asyrý máseleleri qaraldy. Premer-Mınıstr «G4 City» aýmaǵynda arnaıy ekonomıkalyq aımaq qurýdy jedeldetýdi, qalanyń bas josparyn bekitý jáne qala qurylysy qujattaryn ázirleý jóninde qajetti sharalar qabyldaýdy, sondaı-aq jobany tutastaı iske asyrý jónindegi jol kartasyn ózektendirýdi talap etti.