Agenttiktiń málimetinshe, qatysýshylar oıynhananyń turaqty jumys isteýi úshin oıyn oınaýǵa arnalǵan kompúterler balansyn júıeli túrde tolyqtyryp, nysannyń qaýipsizdigin qamtamasyz etip, zańsyz paıdany jınap, basqa da uıymdastyrý-basqarý qyzmetterin atqarǵan.
"Tintý kezinde oıyn oınaýǵa arnalǵan qurylǵylar: júıelik bloktar, monıtorlar, chek prınterleri men skanerleri, teledıdarlar, telefondar jáne qolma-qol aqsha alyndy. Zańsyz áreketten túsken qylmystyq kiris kólemi 77 mln teńgeden asty", – delingen habarlamada.
Tergeý jalǵasýda. QR QPK 201-babyna sáıkes ózge de málimetter jarıa etýge jatpaıdy.
QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.
"Eger siz ókilettikterdi teris paıdalaný, qarajatty jymqyrý nemese basqa da ekonomıkalyq quqyq buzýshylyqtar faktileri jaıly bilseńiz, "AFM Insider" telegram botyna habarlaýyńyzdy suraımyz", – delingen QMA taratqan habarlamada.