Túrksib aýdanynyń Shýaqty shaǵyn aýdanynda ınjenerlik jelilerdi qaıta jańǵyrtý jumystary júrgizildi. Álmerek, Jas Qanat, Nurshashqan jáne Qaırat yqshamaýdanda jumystar aıaqtalýda
Óńirlik komýnıkasıalar qyzmetiniń alańynda ótken brıfıńte Túrksib aýdanynyń ákimi Baqytjan Aqjarov aýdannyń ınjenerlik jelilerin jańǵyrtý boıynsha atqarylyp jatqan sharalarǵa toqtaldy, dep habarlaıdy almaty-akshamy.kz.
Aýdan ákimi málim etkendeı, tamyz aıynda Shýaqty yqshamaýdanynda 400 úıdi qamtıtyn sýmen jabdyqtaý jáne sý burý jelileriniń qurylysy aıaqtaldy. Sonymen qatar, 20 myń abonentke qyzmet kórsetetin Tbılısskaıa kóshesiniń boıyndaǵy 400 metrden astam káriz estakadasyn qaıta jańartý júrgizildi. Sondaı-aq, aǵymdaǵy jyldyń sońyna deıin 2470 abonentke arnalǵan Álmerek, Jas qanat shaǵyn aýdandarynda 17,6 shaqyrym sý qubyry men 18,8 shaqyrym káriz jelisiniń qurylysy aıaqtalady.
4200 abonentke arnalǵan Maıak, Nıjnáá Pátıletka jáne Zakarpatskaıa kóshelerinde 2024 jyly aıaqtalatyn 131,3 shaqyrym sý qubyry men 56 shaqyrym káriz qurylysyn salý jobalary bastaldy. Qaırat yqshamaýdandaryndaǵy ekinshi kezektiń 40 km sý qubyry jáne sý burý jelilerin salý boıynsha qurylys jumystary 2024 jyldyń ekinshi toqsanynda bastaý josparlanýda.
«Sýmen jabdyqtaý jáne káriz jelilerin jobalaý jumystary 2 ýchaske jalǵasýda: aýdannyń ortalyq bóliginde, Rysqulova – Jansúgirov – Sholohov – Seıfýllın kósheleri alańynda jáne Áýejaı kóli mańynda. Qurylys-montaj jumystarynyń boljamdy bastalýy 2024 jyldyń ekinshi toqsany», – dedi B. Aqjarov.
Aýdan ákimi óz sózinde elektr qýatymen turaqty qamtamasyz etý sharalaryn da atap ótti. Máselen, Shýaqty shaǵyn aýdanyndaǵy elektr berý jelilerin jańǵyrtý jumystary aıaqtaldy. Jyl sońyna deıin Álmerek, Nurshashqan, Qaırat shaǵyn aýdandaryndaǵy jeliler jańartylyp, odan keıin "AJK" AQ jelilerimen qyzmet kórsetý úshin turǵyndardy elektr jelilerine aýystyrý júrgiziledi.
Qosylǵan shaǵyn aýdandardy úzdiksiz elektr energıasymen qamtamasyz etý maqsatynda «Tuzdybastaý» qosalqy stansasynyń qurylysy aıaqtaldy.
«Qazirgi ýaqytta jeke ýchaskelerdiń menshik ıelerimen servıtýt sharttary jasalýda, olar arqyly jetkizý jelileri salynatyn bolady. Jumystardy aıaqtaý jyl sońyna josparlanǵan», - dedi Túrksib aýdanynyń ákimi.