Ýıll Smıt júrgizýshi tarapynan áıeline qatysty aıtylǵan ázilge ashýlanǵan bolatyn
Oskar» júldesin tapsyrý saltanatynda júrgizýshi Krıs Rokty uryp jibergen Ýıll Smıt Amerıka kınematografıalyq óner jáne ǵylym akademıasynan shyǵatynyn málimdedi, dep habarlaıdy Almaty-akshamy.kz «Habar 24» telearnasyna silteme jasap.
Ýıll Smıt pen Krıs Rok arasyndaǵy keleńsizdikten keıin atalǵan uıym akterdiń tártibi qaralatynyn jarıalaǵan bolatyn.
«Smıt Akademıanyń tártip standarttaryn buzdy. Biz onyń máselesin 18 sáýirge josparlanǵan dırektorlar keńesi otyrysynda qaraımyz», – degen edi Akademıa prezıdenti Devıd Rýbın.
Munan soń akter uıym quramynan óz erkimen shyǵatynyn jáne basqarma qabyldaǵan kez kelgen sheshimdi qabyldaıtynyn málim etti.
«Oskardyń» 94 saltanatyndaǵy qylyǵym jaǵa ustatarlyq boldy. Keshirilmeıtin jaıt. Krısqa ǵana emes, onyń otbasyna, meniń kóptegen dostarym men jaqyndaryma, saltanatqa, aýqymdy aýdıtorıaǵa aýyr tıdi. Akademıanyń senimin aqtamadym. Jetistikterimen kózge túsken ózge nomınanttardyń merekelik kóńil kúıin buzdym», –deıdi ol.
Aıta keteıik, Ýıll Smıt júrgizýshi tarapynan áıeline qatysty aıtylǵan ázilge ashýlanǵan bolatyn. Alopesıa aýrýyna shaldyqqan Djada Pınkett-Smıt shashy túsip qalǵandyqtan, basyn taqyrlap tastaýǵa májbúr bolǵan. Ý.Smıt kınojuldyzdar, rejıserler men prodúserlerdiń basyn biriktirgen tanymal uıymnan shyǵatyn bolsa, ol «Oskar» syılyǵyna úmitker fılmder men spektáklderge daýys bere almaıdy. Alaıda onyń jumystary júldege usynylatyn tizimnen shettetilmeıdi.