Saǵynmen birge Sochıden kelgen 12 jasar Malıka Taıgıbova da fınalǵa ótti
Shymkent qalasynyń jas ónerpazy Saǵyn Ómirbaıuly "Golos. Detı" reseılik shoýyna qatysyp, úzdikter qatarynda keledi, dep habarlaıdy Almaty-akshamy.kz Zakon.kz-ke silteme jasap.
12 naýryzda Saǵyn Ómirbaıuly Rodolf Falvonyń "Qyzdar, qurbylaryńa aıtyńdarshy" (ıtalán jáne orys tilderinde) degen ánin oryndap, oǵan qazylar alqasynyń eki múshesi – tanymal ánshi Polına Gagarına men tanymal reper Vasılıı Vakýlenko ("Basta") buryldy. Saǵyn Gagarınany tálimger retinde tańdady.
1 sáýirde Birinshi arnada "Golos. Detı" reseıik shoýynda Polına Gagarınanyń komandasy óz jetistikterin kórsetti. Aldymen jas oryndaýshylar sahnaǵa úsh-úshten shyǵyp óner kórsetti ("Jekpe – jek" kezeńi), osylaısha 15 qatysýshynyń beseýi kelesi kezeńge ótti, onyń ishinde Saǵyn Ómirbaıuly da bar.
«Óte baqyttymyn! İshim órtenip barady! Men mundaıdy múldem kútken joqpyn!»,-dedi Saǵyn Ómirbaıuly.
"Kelesi kezeńge ótý" kezeńinde ol "Qyzdar, qurbylaryńa aıtyńdarshy" ánin qaıtalap oryndap, shoýdyń aqtyq synyna shyqty.
Gagarına komandasynan Saǵynmen birge Sochıden kelgen 12 jasar Malıka Taıgıbova da fınalǵa ótti.
Shoýdyń osy kezeńinde fınalısterdi tańdaý tikeleı tálimger Polına Gagarınanyń enshisine berildi. Shoýdyń aqtyq syny tikeleı efırden kórsetiledi, al baıqaýǵa qatysýshylardyń taǵdyryn kórermender anyqtaıdy.
Saǵynnan basqa, "Golos. Detı" reseılik shoýynda Qazaqstannan 14 jasar qyzylordalyq Tımýr Tán da bar. Onyń tálimgeri Egor Krıd ekenin aıta ketelik.