Túrkıanyń balalar hırýrgtary qazaqstandyq áriptesterine túrli aýrýlardy emdeý joldary men tyń tásilderin kórsetip, tájirıbe almasýda.
Sheberlik sabaqtary elordadaǵy №2 kópbeıindi qalalyq balalar aýrýhanasy bazasynda ótýde. Shara barysynda nebári 3 kúnde birneshe naýqasqa ota jasaý josparlanǵan, dep habarlaıdy Almaty-akshamy.kz
Balalar shetelde emdelýge májbúr bolatyn, biraq atalmysh sheberlik sabaǵynyń arqasynda olarǵa týǵan jerinde tegin ota jasalmaq.
"Qazaqstanda neırohırýrgıany damytýda osyndaı tájirıbe almasýlar óte mańyzdy. Mundaı sheberlik synyptarynyń barysynda biz óz bilgenimizdi úıretsek, qazaqstandyq mamandar óz emdeý joldaryn bizge kórsetedi. Keıin jańa ádisterdi de oılap tabýǵa bolady. Máselen, Túrkıada sırek, biraq Qazaqstanda kóp kezdesetin dıagnozdarmen keń tanysyp, ony emdeý joldaryn úırendim", - deıdi Túrkıanyń Adjıbadem klınıkasynyń balalar hırýrgy Býrak Tander.
Mundaı biregeı yntymaqtastyq eki el arasyndaǵy memorandýmnyń arqasynda júzege asyp otyr. Aıta keteıik, endi mundaı sheberlik sabaqtary №2 kópbeıindi qalalyq balalar aýrýhanasy bazasynda turaqty túrde ótip turady. Oqý-jattyǵý kezinde oryndalatyn operasıalar jyl sońyna deıin josparlanǵan. Osylaısha taǵy ondaǵan balaǵa deni saý ómir súrýge múmkindik jasalady.