Qazaqstan Respýblıkasy Kásipodaqtar federasıasy Memleket basshysynyń Qazaqstan Konstıtýsıasyna ózgerister men tolyqtyrýlar engizý boıynsha respýblıkalyq referendým ótkizý týraly bastamasyn qoldaı otyryp, 6 mamyrda kásipodaq múshelerine Úndeý qabyldady. Kásipodaqtar federasıasynyń respýblıkalyq shtabynyń sheshimine sáıkes Almaty qalasy boıynsha Óńirlik shtab quryldy.
Búgingi tańda Almaty qalasynyń kásipodaq aktıvi 5 maýsymda referendým ótkizý jáne Qazaqstan Respýblıkasynyń Konstıtýsıasyna ózgerister men tolyqtyrýlar engizý boıynsha aqparattyq-túsindirý jumystaryn júrgizýge belsendi túrde atsalysýda.
Kásipodaqtardyń óńirlik shtabynyń músheleri eńbek ujymdarymen 40-tan astam kezdesý ótkizdi. Kezdesýler 3 maýsymǵa deıin jalǵasady. 150-dan astam kezdesý josparlanǵan.
Kásipodaqtar ortalyǵy Qazaqstan Respýblıkasynyń Konstıtýsıasyna ózgerister men tolyqtyrýlar engizý boıynsha oqytý semınardar ótkizdi. Jumys jalǵasady.
Óńirlik shtabymyzdyń músheleri YouTube arnasynda qoǵamdyq birlestikter ókilderine arnalǵan respýblıkalyq referendýmdy uıymdastyrý jáne ótkizý týraly oqytý semınaryn qatysty. Semınardy uıymdastyrǵan Qazaqstan Respýblıkasynyń Referendým ótkizý jónindegi ortalyq komısıasy men Aqparat jáne áleýmettik damý mınıstrligi.
Almaty qalasynyń kásipodaqtary Memleket basshysynyń Qazaqstan Konstıtýsıasyna ózgerister men tolyqtyrýlar engizý boıynsha respýblıkalyq referendým ótkizý týraly bastamasyn qoldaıdy jáne barsha qazaqstandyqtardy 5 maýsymdaǵy referendýmǵa qatysýǵa jáne qoǵamnyń demokratıalyq prosesterge aralasýy úshin, Jańa Qazaqstandy qurý jolyndaǵy demokratıalyq ózgerister úshin daýys berýge shaqyrady. Negizgi Zańǵa usynylyp otyrǵan ózgerister men tolyqtyrýlar árbir azamattyń negizgi quqyqtary men kepildikterin, qoǵamdaǵy turaqtylyq pen birlikti qorǵaýǵa baǵyttalǵan.