2024 jylǵy 2 qyrkúıekte Memleket basshysy Qasym-Jomart Toqaev "Ádiletti Qazaqstan: zań men tártip, ekonomıkalyq ósim, qoǵamdyq optımızm"" atty kezekti Joldaýyn jarıalady. Qujatta eldiń saıası baǵyty, ekonomıkalyq reformalar, áleýmettik máseleler men qaýipsizdik salasyna qatysty mańyzdy sheshimder aıtyldy.
Aqshamnews.kz redaksıasy Joldaýdyń mátinin saralap, Prezıdent jıi qoldanǵan sózin anyqtady.
Taldaý barysynda eń jıi qaıtalanǵan sóz "qajet" ekeni belgili boldy. Bul sóz Joldaýda 94 retten astam qoldanylǵan. Prezıdenttiń byltyr úkimetke birqatar tapsyrma júktedi, sondaı-aq, azamattarǵa da jaýapkershilikti kúsheıtý keregin aıtty.
Maǵynasy jaǵynan uqsas "kerek" sózi 84 ret qoldanylǵan.
Sonymen qatar "damý", "ekonomıka", "áleýmettik", "halyq" sózderi de mátinde ondaǵan ret kezdesken. Bul Joldaýdyń negizgi aksenti – ekonomıkalyq ósim men áleýmettik ádilettilik ekeniniń dáleli.
- Damý - 14 ret;
- Ekonomıka - 32 ret;
- Áleýmettik - 19 ret;
- Halyq - 31 ret;
- Qazaqstan - 43 ret qoldanylǵan.
Sózderdiń jıiligin saralaý kezinde "zań", "ınvestısıa", "bilim" sekildi uǵymdar da jıi kezdesetini baıqaldy. Prezıdent eldiń turaqty damýy úshin quqyqtyq júıeniń ádildigin arttyrýdy, bızneske qolaıly jaǵdaı jasaýdy, jańa tehnologıalardy engizýdi basty baǵyt retinde atap ótken.
- Zań - 47 ret;
- Investısıa - 21 ret;
- Bilim - 15 ret qoldanylǵan.
Toqaevtyń 2024 jylǵy Joldaýy – eldiń áleýmettik-ekonomıkalyq ómirinde jańa kezeń bastaıtyn mańyzdy qujat. Qaıtalanǵan sózder Prezıdenttiń basymdyqtaryn ǵana emes, memleket úshin strategıalyq mańyzy bar máselelerdi de kórsetip otyr.
Eske salaıyq, buǵan deıin Toqaev kezeńindegi Joldaýlarǵa toqtalǵan edik.
Qasym-Jomart Toqaevtyń Prezıdent retindegi alǵashqy Joldaýy 2019 jylǵy 2 qyrkúıekte jarıalandy. Ol qoǵamdyq dıalogty kúsheıtýge jáne bılik pen halyq arasyndaǵy baılanysqa jańa sıpat berýge baǵyttaldy.
• 2020 jylǵy Joldaý – pandemıa kezindegi daǵdarysqa qarsy sharalar men jańa jaǵdaıda beıimdelý strategıasy.
• 2021 jylǵy Joldaý – júıeli reformalar, memlekettik basqarýdy jetildirý, áleýmettik teńdik máselelerin kóterdi.
• 2022 jylǵy qos Joldaý eldegi saıası reformalardyń bastaý núktesi boldy. «Jańa Qazaqstan» uǵymy alǵash ret saıası dıskýrsqa engizilip, ádiletti memleket qurý ıdeıasy alǵa shyqty.
• 2023–2024 jyldardaǵy Joldaýlar ekonomıkalyq baǵytty aıqyndap, zań men tártipti kúsheıtý, ádiletti qoǵam qalyptastyrýdy basty mindet retinde belgiledi.