"Qazgıdromet" 24, 25 jáne 26 qańtarǵa arnalǵan aýa raıy boljamyn usyndy, - dep habarlaıdy aqshamnews.kz
Boljamǵa sáıkes, aldaǵy kúnderi Qazaqstan aýmaǵyndaǵy aýa raıyna Atlantıka óńirlerinen jyljyp kele jatqan sıklon men belsendi atmosferalyq fronttar yqpal etedi. Saldarynan qar jaýyp, ońtústik óńirlerde jańbyr men qar túrindegi jaýyn-shashyn túsip, boran jáne jel kúsheıedi.
Aýa temperatýrasy qandaı bolady?
Sıklon el aýmaǵy arqyly jyljyǵan saıyn Qazaqstannyń edáýir bóligine jyly aýa massalary kele bastaıdy, bul aýa temperatýrasynyń birtindep joǵarylaýyna ákeledi:
túngi ýaqytta ortalyq jáne shyǵys óńirlerde –5…–18 gradýsqa deıin,
ońtústik-shyǵysta –2…–7 gradýsqa deıin, taýly aımaqtarda –7…–15 gradýs.
Qazaqstannyń soltústik oblystarynda túnde aýa temperatýrasy –20…–35 gradýsqa deıin jetetin aıaz saqtalady.
"Sonymen qatar quramynda sýyq arktıkalyq aýa bar antısıklon jotasy eldiń batys aımaqtaryna taralyp, túngi ýaqytta aýa temperatýrasynyń –15…–30 gradýsqa deıin, al soltústik-batysta –20…–35 gradýsqa deıin tómendeýine áser etedi", - dep málimdedi sınoptıkter.