Túrkistan qalalyq ortalyq aýrýhanasynyń juqpaly aýrýlar bólimine qyzylshaǵa kúdikpen 8 aılyq sábı jetkizildi, - dep habarlaıdy aqshamnews.kz Turkystan.kz-ke silteme jasap.
Tekserý barysynda júrgizilgen rentgenologıalyq zertteý nátıjesinde balanyń ish qýysynan ıne anyqtaldy.
Sábıdiń mazasyzdanýy men dene qyzýynyń kóterilýi juqpaly aýrýmen emes, dál osy bógde zattyń áserinen bolǵany belgili boldy.
Dárigerlerdiń aıtýynsha, ıneniń balanyń asqorytý joly arqyly emes, baýyr tusynan engeni anyqtalǵan. Balanyń anasy ıneni sábı ózdiginen jutpaǵanyn jetkizdi.
Túrkistan qalalyq ortalyq aýrýhanasynyń jáne Túrkistan qalalyq balalar aýrýhanasynyń dárigerleri birlesip, shuǵyl ota jasap, qajetti em-sharalardy tolyq kólemde júrgizdi. Ýaqytyly jasalǵan hırýrgıalyq ota men turaqty emniń arqasynda sábı qazirgi tańda jyldam qalpyna kelýde.
Tolyq nusqasyna gıpersilteme berýdi umytpańyz: https://turkystan.kz/article/275070-turkistanda-8-ailyq-sabidin-iski-qurylysynan-ine-tabyldy