Ispanıyanyń Barselona qalasynan lauazymdyq ókilettikterdí terís paıdalanu jáne qyzmettík jalǵandyq jasau faktílerí boıynsha kúdíkke ílíngen Qazaqstan azamaty ekstradıtsıyalandy, dep habarlady bas prokuratura.
"Ol 2020 jyly keden organdarynyń qyzmetkerí bola otyryp, aqparattyq derekqorǵa jalǵan málímetter engízu arqyly 8 avtokólíktíń ıelerín byudjetke tólenuge tıís kedendík bajdardan zańsyz bosatqan degen kúdíkke ílíndí. Keltírílgen zalaldyń jalpy somasy 45 mıllıon teńgeden asady", - dep jazylǵan habarlamada.
Kúdíktí úsh jyldan astam uaqyt boıy qylmystyq qudalau organdarynan boı tasalap, halyqaralyq ízdeude bolǵan, keıín Ispanıya aumaǵynda ūstaldy.
Qazírgí uaqytta kúdíktí Astana qalasynyń tergeu ızolyatoryna qamaldy.
Prokuraturada būl qylmys úshín múlkí tárkíleníp, belgili bir lauazymdardy atqaru nemese belgili bir qyzmetpen aınalysu qūqyǵynan ómír boıyna aıyra otyryp, jetí jylǵa deıíngí merzimge bas bostandyǵynan aıyru jazasy kózdelgenín eske saldy.