2025 jyly Azyq-túlik kelisimshart korporasıasynyń enshiles uıymy - «Astyq qoımalary» jaýapkershiligi shekteýli seriktestigi elevatorlardyń turaqty jumysyn qamtamasyz etip, astyqtyń, onyń ishinde memlekettik qordyń saqtalýyn tolyq deńgeıde júzege asyrdy, - dep habarlaıdy aqshamnews.kz.
Qańtar aıynan jeltoqsan aıyna deıin seriktestiktiń astyq qabyldaý pýnktterine 434 myń tonna astyq qabyldandy, onyń 358 myń tonnasy — jańa ónim. 2026 jylǵy 19 qańtardaǵy jaǵdaı boıynsha «Astyq qoımalary» seriktestiginiń elevatorlarynda 264 myń tonna astyq saqtaýly.
Jyl boıy tórt astyq bazasynan 432 myń tonna dándi jáne maıly daqyldar jóneltildi. 2024 jyldyń osy kezeńimen salystyrǵanda jóneltý kólemi 25 paıyzǵa ósti.
Astyq qabyldaý úderisiniń ashyqtyǵyn qamtamasyz etý maqsatynda barlyq astyq qabyldaý beketterinde aýyl sharýashylyǵy ónimin ólsheýdiń sýret arqyly tirkeýi bar aqparattyq júıe engizildi. Bul adam faktory áserin barynsha azaıtýǵa múmkindik beredi.
Ótken jyldyń qorytyndysy boıynsha seriktestik astyq qabyldaý beketteriniń ınfraqurylymyn kútip-ustaý jáne jańǵyrtýǵa 404 mıllıon teńge bóldi. Úsh astyq bazasy úshin astyq keptirgish qondyrǵylar men avtokólik satyp alyndy, qoıma ǵımarattary jóndeldi, sondaı-aq temirjol kirme joldaryndaǵy baǵyttama aýystyryldy.
2026 jyly «Astyq qoımalary» óndiristik qýattardy jańǵyrtýdy jalǵastyra otyryp, elevator jelisiniń múmkindikterin keńeıtýge baǵyttalǵan ınvestısıalyq jobalardy iske asyrýdy josparlap otyr.