Eńbek kóshi-qony salasyndaǵy halyqaralyq yntymaqtastyqty keńeıtý jáne Qazaqstandy Employment Permit System (EPS) júıesine qosý maqsatynda 2026 jyly 21 qańtarda Almaty qalasyna Koreıa Respýblıkasynyń Jumyspen qamtý jáne eńbek mınıstrliginiń delegasıasy keldi. Delegasıanyń sapary Qazaqstanda EPS ortalyǵyn uıymdastyrýǵa arnalǵan ınfraqurylymnyń daıyndyq deńgeıimen tanysýǵa baǵyttalǵan.
EPS júıesine qosylý rásimi úsh kezeńnen turady:
1. İshki memlekettik kelisý;
2. EPS ortalyǵyn ashýǵa arnalǵan nysandarmen tanysý jáne olardy tekserý;
3. Koreıa Respýblıkasynyń Vedomstvoaralyq komısıasynyń túpkilikti sheshim qabyldaýy.
Qazirgi ýaqytta Qazaqstan Respýblıkasy birinshi kezeńnen sátti ótip, ekinshi kezeńge kiristi. Bul kezeń Almaty qalasynda, sondaı-aq Almaty oblysynda ótkizilip, EPS ortalyǵyn ashýǵa josparlanǵan nysandardy tekseredi.
Sońǵy sheshim barlyq kezeńnen ótkennen keıin qabyldanady.
Aıta ketý kerek, Eńbek jáne halyqty áleýmettik qorǵaý mınıstrligi múddeli ortalyq memlekettik organdarmen, sondaı-aq Almaty qalasy men Almaty oblysynyń ákimdikterimen birlesip, Koreıa Respýblıkasynda zańsyz jumys istep júrgen Qazaqstan azamattarynyń sanyn kezeń-kezeńimen azaıtýǵa arnalǵan is-qımyl josparyn ázirledi. Jospardy iske asyrý zańdy ári qaýipsiz jumyspen qamtýdy qamtamasyz etýge, zańsyz kóshi-qonnyń aldyn alýǵa, sondaı-aq Qazaqstandy EPS júıesine qosý úshin qajetti jaǵdaı jasaýǵa baǵyttalǵan.