Ūıymdasqan qylmysqa qarsy kúres basqarmasynyń qyzmetkerlerí Almaty, Shymkent qalalarynda, sondaı-aq Almaty, BQO jáne Túrkístan oblystarynda áleumettík osal azamattardyń atyna avtonesıe rásímdep, keıín avtokólíkterdí shetelge shyǵaryp otyrǵan qylmystyq toptyń qyzmetín toqtatty.
Anyqtalǵandaı, kúdíktíler qysym kórsetu jáne qorqytu arqyly qorǵansyz azamattardy óz atyna avtonesıe rásímdeuge májbúrlegen.
Tólem qabílettílígí bar degen jalǵan kórsetkísh qalyptastyru maqsatynda kúdíktíler azamattardyń bank shottaryn uaqytsha tolyqtyryp, olardyń kredıttík tarıhyn jasandy túrde jaqsartqan.
Kúdíktíler jalǵan qūjattardy paıdalana otyryp, avtokólíkterdí kepílge qoıyp, mıkroqarjy ūıymdarynan nesıe alǵan. Osydan soń qymbat avtokólíkter shetelde satylǵan.
Qazírgí uaqytta osyndaı 15 derek anyqtalyp, ózge de epızodtar boıynsha jūmys júrgízílude.
Tíntu ís-sharalary barysynda bírneshe bírlík atys jáne suyq qaru, oq-dáríler, sondaı-aq qylmystyq áreketterdí rastaıtyn qūjattar men aqparat tasymaldaǵyshtar tárkílendí.
Sotqa deıíngí tergep-tekseru bírneshe bap boıynsha júrgízílude, negízgí 6 kúdíktí qamauǵa alynyp, uaqytsha ūstau ızolyatoryna qamaldy.