Qazaqstan Ulttyq bankiniń tóraǵasy Tımýr Súleımenovtiń aıtýynsha, Ulttyq bank jyl saıyn eldegi nesıe belsendiligine taldaý júrgizedi. Tıisti sholý 27 qańtarda jarıalanady.
Ekonomıkaǵa, ıaǵnı bızneske beriletin nesıeler kólemi, kerisinshe, aıtarlyqtaı ósken.
"11 aıdyń qorytyndysy boıynsha bızneske berilgen nesıeler 21,5 paıyzǵa artty", – dedi Tımýr Súleımenov.
Al kepilsiz tutynýshylyq nesıeleý qarqyny baıaýlaǵan.
"Halyqtyń shamadan tys qaryzdanýy ınflásıa men syrtqy táýeldilikke áser etedi, sebebi mundaı nesıeler kóbine ımporttyq taýarlarǵa jumsalady. Bul baǵytta ósim aıtarlyqtaı tómendedi. 11 aıdyń nátıjesinde kepilsiz tutynýshylyq nesıelerdiń ósýi 7,3 paıyzdy qurady. Jyl qorytyndysynda bul kórsetkish odan da tómen bolady. Osylaısha, bızneske nesıe berý men halyqty nesıeleý arasyndaǵy tepe-teńdik birtindep qalpyna kelip keledi", – dep túıindedi Ulttyq bank tóraǵasy.
Aıta keteıik, buǵan deıin Ulttyq banktiń aqsha-kredıt saıasaty jónindegi komıteti bazalyq mólsherlemeni jyldyq 18 paıyz deńgeıinde, ±1 paıyzdyq tarmaq dálizimen belgileý týraly sheshim qabyldaǵan bolatyn.