Almaty qalasynyń ákímshílík qūqyq būzushylyqtar jóníndegí mamandandyrylǵan audanaralyq sotynyń aqparatynsha, 2025 jylǵy jeltoqsan aıynda K. esímdí azamat Ūlttyq kítaphana ǵımaratynda dóńgelek ústel ūıymdastyryp, tıístí rūqsaty men ókílettígí bolmaǵanyna qaramastan, memlekettík nagradalarǵa ūqsas ataulary men syrtqy belgílerí bar marapattardy tabystaǵan.
- Atalǵan áreket QR Ákímshílík qūqyq būzushylyq turaly kodeksíníń 674-babynyń 2-bólígí boıynsha saralandy. Būl bap jeke tūlǵalarǵa – 5 aılyq eseptík kórsetkísh, lauazymdy tūlǵalarǵa – 10 aılyq eseptík kórsetkísh mólsherínde aıyppūl saludy, sondaı-aq zańsyz paıdalanylǵan belgílerdí tárkíleudí kózdeıdí, - delíngen habarlamada.
Sot qaulysymen K. kínálí dep tanylyp, oǵan 5 aılyq eseptík kórsetkísh (19 660 teńge) mólsherínde aıyppūl túríndegí ákímshílík jaza taǵaıyndaldy. Zańsyz paıdalanylǵan belgíler tárkílendí.
Sot qaulysy zańdy kúshíne engen joq.