Taraz qalasyndaǵy «Ońtústík» óńírlíkqolbasshylyǵyna qarasty 5513 áskerı bólímínde qatardaǵy Nūrdáulet Jalıev qyzmet atqarady. Ol áskerge sanaly túrde, naqty maqsatpen keldí. Onyń bala kezden bergíarmany - muzyka álemínde óz ornyn tauyp, áskerı orkestr qūramynda óner kórsetu.
Ónerge degen qūshtarlyq Nūrdáulettí erte jastan jeteledí. Mektep qabyrǵasynan bastap olkópshílík aldynda án aıtyp, bayan aspabynda erkín oınady. Kópbalaly otbasynda tárbıelengen onyń boıynda jauapkershílík jáne tabandylyq sekíldí qasıetter qalyptasty. Abaı atyndaǵy Jambyl gumanıtarlyq joǵary kolledjín támamdaǵan soń, onyń aldynda ekí tańdau tūrdy. Bírí – muzyka páníníń mūǵalímí retínde eńbek etu. Ekínshísí – bala kúngí armanynan bas tartpaı, dara jol salu. Nūrdáulet júregí qalaǵan baǵytty tańdady. Arman jolynda ol tynymsyz eńbekteníp, kásíbı tūrǵyda damyp, áskerı orkestrge qabyldanu úshín qajettí qūjattardy jınady. Alaıda oǵan ózarmanyna jetu jolynda áskerı bıletíníń bolmauy kedergí boldy. Būl jaǵdaı jas muzykanttyń jígerín jasytpady. 21 jasynda ol áskerge baru jónínde sheshím qabyldap, maqsatyna bír qadam jaqyndaı tústí.
Ata-anasy ūlynyń bolashaǵyna qatysty tańdauyn qoldady. Sebebí ózderí de shyǵarmashyl jandar būl sheshímníń "jetí ret ólshep, bír ret kesílgenín" túsíndí. Merzímdí áskerı qyzmettegí alty aıda qatardaǵy Jalıev ózín jauapty árí tártíptí áskerı qyzmetshí retínde kórsettí jáne kelísímshart negízínde qyzmetín jalǵastyru qūqyǵyna ıe boldy. Áskerı bólímníń tabaldyryǵyn attaǵannan bastap bólím komandırlerí Nūrdáulettíń áskerı orkestrdeóner kórsetuge degen nıetín bíldí. Onyń talaby, tártíbí men qyzmetke degen jauapkershílígí nazardan tys qalǵan joq. Qazírgí uaqytta qatardaǵy Nūrdáulet Jalıev5513 áskerı bólímíníń orkestrí qūramynda óner kórsetíp júr. Ol jańa muzykalyq aspaptardy meńgeríp, kásíbı sheberlígín arttyryp, shyǵarmashylyq tūrǵyda damuyn jalǵastyrypjatyr. Armanǵa jetu úshín ár adam tabandylyqtanytyp, kezdesken qıyndyqtardy eńseru qajet. Alaıda keı jaǵdaıda jalǵyz jígerdíń ózí jetkílíksíz bolyp, armanyn oryndau úshín múmkíndík syılaıtyn orta kerek bolady. Nūrdáulet úshín dál osyndaı múmkíndík, armanyn júzege asyruǵa jol ashatyn orta Ūlttyq ūlandaǵy merzímdí áskerı qyzmetten tabyldy.