Qaraǵandy oblysynyń dene shynyqtyru jáne sport basqarmasynyń basshysy, bokstan Olımpıada chempıony Serík Sápıev ózíníń orynbasary Dauren Esímhanovqa qatysty dauly oqıǵaǵa píkír bíldírdí, - dep habarlaıdy aqshamnews.kz.
Olımpıada chempıony Serík Sápıev másele tolyqtaı sheshílgenín alǵa tartty.
«Áleumettík jelíler men būqaralyq aqparat qūraldarynda tarap jatqan jaǵdaıǵa baılanysty tómendegíní atap ótkím keledí. Men memlekettík qyzmetshí retínde óz míndetterímdí atqaru barysynda memlekettík qyzmettíń etıkalyq normalaryn qatań saqtaımyn. Bala kezímnen bapkerlerím maǵan rıngten tys jerde kúsh qoldanuǵa bolmaıtynyn úırettí. Men óz múmkíndíkterímdí jaqsy baǵalaımyn jáne árbír áreketím úshín jauapkershílíktí tolyq túsínemín. Sondyqtan eshqandaı arandatushylyqqa ermeımín. Būl másele tolyq qaralyp, jabyldy dep esepteımín», — dep jazdy Sápıev ózíníń Instagram paraqshasynda.