Almatydaǵy Qūrmanǵazy atyndaǵy Qazaq ūlttyq halyq aspaptar orkestrínde «Ǵasyrlar pernesí» atty kontsert óttí. Merekelík kesh akademık, qazaq muzyka óneríníń kásíbı negízín qalaushy Ahmet Jūbanovtyń 120 jyldyq mereıtoıyna arnaldy.
Bıyl Qazaq KSR Halyq ártísí, kórnektí ǵalym, kompozıtor, dırıjer, ónertanu ǵylymynyń doktory, professor, akademık Ahmet Jūbanovtyń tuǵanyna 120 jyl. Ol 1934 jyly 11 adamnan tūratyn dombyrashylar ansamblíníń negízínde búgínde áıgílí Qūrmanǵazy atyndaǵy Qazaq ūlttyq halyq aspaptar orkestrín qūryp, alǵashqy kórkemdík jetekshísí árí bas dırıjerí boldy.
Ǵalym ūlttyq muzykaǵa tereń ǵylymı zertteuler júrgízíp, qazaqtyń kúı ónerín jahanǵa tanytty. Kontserttí orkestrdíń bas dırıjerí, «Qūrmet» ordeníníń ıegerí Abylaı Tílepbergen basqardy.
– Kontsert Ahmet Jūbanovqa taǵzym retínde onyń óz repertuarynan bastaldy. Baǵdarlamada kompozıtordyń kúılerí men ánderí, Latıf Hamıdımen bírlesíp jazǵan operasynan úzíndíler, sondaı-aq Qūrmanǵazy atyndaǵy orkestrmen bírge óner kórsetetín solısterdíń oryndauy boldy. Solardyń qatarynda Abaı atyndaǵy Qazaq ūlttyq opera jáne balet teatrynyń solısí Aıdos Jabaǵın de bar. Orkestr tízgínín menen bólek Mádenıet salasynyń úzdígí Erlan Dáurenbekov pen Qazaqstannyń eńbek síńírgen qaıratkerí Nūrken Áshírov ūstady. Repertuarǵa Ahmet Jūbanovtyń halyq ánderí men kúılerí engízíldí. Muzykalyq ūjym Jańa jyldan berí asqan jauapkershílíkpen daıyndaldy. Sahnada 80-ge juyq ártís óner kórsettí, – dedí Abylaı Tílepbergen.
Mereıtoı ayasynda QR Ūlttyq ortalyq muzeıíníń qūramyndaǵy Ahmet jáne Ǵazıza Jūbanovtardyń memorıaldyq muzeıíníń «Ūlt ruhyn asqaqtatqan tūlǵa» atty kórme ūıymdastyryldy.
– Kórmeníń maqsaty – qazaq muzykasynyń ūly tūlǵasy, kompozıtor, akademık, áıgílí dırıjer, ǵalym, qoǵam qaıratkerí Ahmet Jūbanovtyń ómír joly men mol shyǵarmashylyq mūrasyn keńínen nasıhattau. Kórme arqyly kelushílerge qazaq muzykasynyń damu tarıhyna Ahmet Jūbanovtyń qosqan ólsheusíz úlesín keńínen tanystyryp, ruhanı-mádenı qūndylyqtardy dárípteu kózdeldí. Ūltqa adal qyzmet etkenníń dálelí – 1950 jylǵy nemís baspa mashınasy. Būl qūralǵa qazaq árípterí engízílgen. Ekspozıtsıyada Ahmet Jūbanovtyń ómírí men shyǵarmashylyǵyna qatysty mūraǵattyq qūjattar, sırek fotosuretter, qoljazbalar, notalyq eńbekter, kítaptar, jeke zattar, sondaı-aq onyń zamandastary men shákírtterí turaly materıaldar kópshílík nazaryna ūsynyldy, – dedí mūrajaı jetekshísí Ryskúl Saǵatqyzy.
Atalǵan mádenı ís-shara Ahmet Jūbanovtyń qazaq kásíbı muzykasynyń qalyptasuy men damuyna qosqan ólsheusíz úlesín keńínen nasıhattap, ūlttyq ónerdíń ruhanı qūndylyǵyn taǵy bír márte aıqyndady.