Memleket basshysy Qasym-Jomart Toqaev Albanıa Prezıdenti Baıram Begaımen Aqordada ótken kezdesýde eki el astanalary arasynda tikeleı reıs ashýdy usyndy, dep habarlaıdy Almaty-akshamy.kz.
«Qazaqstanǵa qosh keldińiz! Týrızm, energetıka, kólik sıaqty kez kelgen saladaǵy qolda bar múmkindikter týraly aıtsaq, bizge astanalarymyzdyń arasynda tikeleı reısterdi iske qosý týraly oılaný kerek», - dedi Prezıdent.
Qasym-Jomart Toqaev Qazaqstan Albanıamen baılanysty barynsha damytýǵa múddeli ekenin atap ótti.
«Qazaqstan áriptestigimizdi damytýǵa barynsha múddeli ekenin taǵy qaıtalap aıtqym keledi jáne eleýli nátıje alýǵa barynsha kúsh salamyz. Memleket basshysy retinde aramyzda jeke baılanys bar ekenine, tanysqanymyzǵa óte qýanyshty ekenimdi taǵy da bildirgim keledi», - dedi Memleket basshysy.