Tokıo Olımpıadasynyń jabylýyna arnalǵan saltanatty shara bastaldy, dep habarlaıdy Almaty-akshamy.kz QazAqparat-qa silteme jasap.
Saltanatty sharany koronavırýs pandemıasynyń qatań shekteýlerine baılanysty jankúıerler tamashalaı alǵan joq.
Eske sala keteıik, Olımpıadanyń ashylý saltanatyna arnaıy shaqyrtylǵan álemniń 15 memleketiniń jáne halyqaralyq uıymdar basshylaryn qosa eseptegende 950 qurmetti qonaq qatysty.
Jabylý saltanatynda Japonıanyń Ánurany oryndalyp, Memlekettik Týy joǵary kóteriledi. Sportshylar sherýin Grekıa quramasy bastap shyqsa, ony Japonıa quramasy qorytyndylaıdy dep kútilýde.
Olımpıada jalaýy aldaǵy Jazǵy Olımpıada oıyndarynyń qojaıyny Fransıaǵa tabys etiledi. Aıta keteıik, 2024 jylǵy dúbirli dodany Fransıa astanasy Parıj qalasy qabyldaıdy.
Olımpıada alaýy sóndirilip, eki aptadan astam ýaqytqa sozylǵan aıtýly shara saltanatty túrde jabylady.
Qazaqstan sportshylary segiz qola medal aldy. Medaldar kectesi jóninen qorytyndy komandalyq esepte Qazaqstan quramasy 83-orynǵa turaqtady.