Birjolǵy zeınetaqy tólemderi belgilengen merzimde paıdalanylmaǵan. 2021 jyldyń 5 tamyzyndaǵy jaǵdaı boıynsha BJZQ salymshylardyń (alýshylardyń) zeınetaqy jınaqtaryn turǵyn úı jaǵdaılaryn jaqsartý úshin paıdalanýǵa bergen 379 423 ótinishin oryndady.
Ýákiletti operator bankterde ashylǵan qazaqstandyqtardyń arnaıy shottaryna BJZQ 1,7 trln teńgeden asa qarjy aýdardy. Birjolǵy zeınetaqy tólemderiniń ortasha somasy shamamen 4,4 mln teńge, dep habarlaıdy Almaty-akshamy.kz Azattyq Rýhy-na silteme jasap.
Oryndalǵan ótinishterdiń eń kóbi Almaty qalasynyń (16,7%), Mańǵystaý oblysynyń (14,9%), Nur-Sultan qalasynyń (12,9%) turǵyndary tarapynan joldanǵan.
«Oryndalǵan ótinishterdiń edáýir bóligi «Otbasy banki» turǵyn úı qurylys jınaq banki» AQ (oryndalǵan ótinishterdiń jalpy sanynyń 95,3%), odan ári «Qazaqstan Halyq banki» AQ (3,8%), «Bank SentrKredıt» AQ (0,9%), «Altyn Bank» AQ (0,03%) jáne «Bank Frıdom Fınans Qazaqstan» AQ (0,01%) arqyly berildi», - delingen BJZQ baspasóz habarlamasynda.
Aıta keteıik, ýákiletti operatorlardan salymshylardyń jeke zeınetaqy shottaryna ótinish berýshiniń ótinishi jáne ózge de sebepter boıynsha 206,4 mlrd teńgeden asa soma qaıtaryldy, sebebi qazaqstandyqtar birjolǵy zeınetaqy tólemderin belgilengen merzimde paıdalanbaǵan.
«Buǵan qosa, BJZQ emdelýge jalpy somasy 26,1 mlrd teńgege kelip túsken 27 902 ótinishti oryndady. Bul rette alýǵa bolatyn ortasha soma – 0,9 mln teńge. Sonymen qatar, salymshylardyń BJZQ-daǵy JZSH-na 4.2 mlrd teńge qaıtaryldy», - delingen habarlamada.
Investısıalyq portfeldi basqarýshylarǵa shamamen 4,8 mlrd teńge aýdaryldy, BJZQ kelip túsken 2 395 ótinish oryndaldy. Aýdarymnyń ortasha somasy shamamen 2,0 mln teńge boldy.
Qazirgi ýaqytta BJZQ zeınetaqy aktıvterin senimgerlikpen basqarý týraly tórt IPB-men shart jasasty. Aıta keteıik, 4,8 mlrd teńgeniń 43,89% nemese 2,1 mlrd teńgesi «Jusan Invest» AQ, 27,76% nemese 1,3 mlrd teńgesi «Halyk Global Markets» AQ, 18,65% nemese 0,9 mlrd teńgesi «BCC Invest» AQ, 9,70% nemese 0,5 mlrd teńgesi «Sentras Sekúrıtız» AQ aýdaryldy.