Japonıa astanasy jahandaǵy asa iri Hám damyǵan shaharlardyń qataryna kiredi. Osyǵan oraı kúnshyǵys eli týraly 5 qyzyqty málimetpen bólisemiz.
Bıylǵy XXXII Olımpıada oıyndary dál osy shaharda bolyp jatyr. Álemdegi alyp megapolıstiń qyzyqty jaqtary men ómir súrý erekshelikterine nazar aýdaryldy, dep habarlaıdy Almaty-akshamy.kz.
• Tokıo qalasyn búgingi japondyqtardyń ata-babalary tas baltalar dáýirinde de mekendegen. Arada san myńdaǵan kezeńder ótse de, qala ómir súrýin jalǵastyryp keledi.
• Óziniń ıesine degen adaldyǵynyń arqasynda búkil álemge áıgili ıt Hatıko ólgenshe qojaıynyn dál osy jerde tosqan. Naqtyraq aıtsaq, Tokıodaǵy Shıbýıa stansıasynda kútipti. Dál sonda oǵan arnap eskertkish ornatylǵan.
• Tokıo - dúnıejúzindegi eń qaýipsiz ári úlken qala. Munda júrip-turýdyń sonshalyqty qaýipsizdigine tań qalasyz. Tipti 1 synyptyń oqýshysy qoǵamdyq kólikte ári-beri qatynas jasaı beretin kórinedi.
• Japonıa astanasynyń mańyndaǵy halyq qalanyń ózine qaraǵanda eki ese kóp. Eń qyzyǵy, qala men onyń aınalasynda 35 mıllıonnan astam adam turady. Bul Chernogorıa halqynan shamamen 60 ese kóp.
• El astanasy Japonıa aýmaǵynyń nebári 0,6%-yn ǵana alady. Biraq jalpy ishki ónimniń úshten bir bóligimen qamtamasyz etedi.