Megapolıste koronavırýs juqtyrǵandardyń kúndelikti tirkeýi 1500 jaǵdaıdan asty. Bul týraly Óńirlik komýnıkasıalar qyzmetiniń baspasóz konferensıasy barysynda Almaty qalasy sanıtarlyq-epıdemıologıalyq baqylaý departamenti basshysynyń orynbasary Ásel Qalyqova málimdedi.
Á. Qalyqovanyń aıtýynsha, shildede juqtyrǵandar sany 25 500-den asqan, jyl basynan beri Almatyda 81 myńnan astam adam koronavırýs juqtyrǵan. Sońǵy tórt kúnde 6 266 juqtyrý jaǵdaıy tirkeldi.
Almaty epıdemıologtary tamyz aıynda KVI ınfeksıasynyń 34,5 myń jaǵdaıyn, qyrkúıekte 4,5 myń jaǵdaıǵa deıin tómendeýin boljap otyr.
«Bir apta ishinde Almatyda KVI aýrýyn tirkeý 1,5 esege ósti – 6 397-den 9 852 jaǵdaıǵa deıin, kúndelikti ósim 1,7% qurady. Ótken aptaǵa qaraǵanda sımptomdy naýqastar úlesiniń artýy 90%-dan 92%-ǵa ósti», - dedi Ásel Qalyqova.
SEBD basshysynyń orynbasarynyń aıtýynsha, juqtyrǵandar sanynyń ósýin toqtatý úshin qalada vaksınalaý qarqynyn arttyrý qajet.
«Búgin biz jastar arasynda derttiń asqynǵanyn jáne aýrýdyń aýyr túrin tirkeýdemiz. Bul vırýstyń jańa, juqpaly shtamdaryna baılanysty. Infeksıa tez taralady jáne jıi aýyr asqynýlarǵa ákeledi. Onyń taralýyn toqtatýdyń, turǵyndardyń densaýlyǵy men ómirin saqtap qalýdyń jalǵyz joly – koronavırýsqa qarsy vaksınasıa», - dep jalǵastyrdy sózin Á. Qalyqova.
Eske salsaq, qalada medısınalyq uıymdarda, mektepterde, mádenıet jáne sport nysandarynda, bazarlarda jáne qalanyń saýda oıyn-saýyq ortalyǵynda 167 ekpe pýnkti bar. 1038 adamnan turatyn 234 ekpe brıgadasy jumyldyrylǵan.