Toı ma, shoý ma? El aýzynda qalǵan erekshe toılar toptamasy

  • 10:00, 10 maýsym 2025
Toı ma, shoý ma? El aýzynda qalǵan erekshe toılar toptamasy Sýret: aqshamnews.kz kollajy

Jaz keldi - demek, qazaq úshin toı maýsymy resmı túrde ashyldy degen sóz. "Jıǵan-tergeniń toıǵa shashylsyn" deıtin qazaq halqy qýanysh bolsa, keńinen kósilýdi ádetke aınaldyrǵan. Ár toı – erekshe sán-saltanat, ár asaba – ózinshe shoý jasaıdy, al keıde tipti toılar kútpegen oqıǵalarǵa toly bolady. Aqshamnews.kz tilshisi toıdaǵy kazýstar men el esinde qalǵan erekshe sátterdi jınaqtap, nazarlaryńyzǵa usynady.

"Tıtanık" toıda jalǵasyn tapty

Túrkistanda bolǵan mereıtoıdyń vıdeosy kóptiń talqysyna tústi. Vıdeo avtory qaıyqtaǵy ata men apanyń 63 jas mereıtoıyn atap ótip jatqanyn jazdy. Beıneden zeınetker ata-apa aǵash qaıyqpen meıramhana zalyna kirip kele jatqanyn baıqaýǵa bolady. Al kórgen jurtqa qaıyq "júzip bara jatqandaı" áser qaldyrady. 

Kópshilik bul vıdeoǵa "qazaqtar qýaıyn dedi", "Dı Kaprıo jolda qalsyn", "ne degen fantazıa", "Tıtanıktiń jalǵasyn túsirip jatyr ma?" dep pikir qaldyrǵan. 

Sáken Maıǵazıevtiń kelini "erekshe" uzatyldy

Sońǵy ýaqytta el aýzynda júrgen oqıǵalardyń biri ánshi Sáken Maıǵazıevtiń ulynyń úılenýi. Ásirese aqtaýlyq kelininiń kilemge otyryp, meıramhanadan aıaǵy jerge tımesten uzatylyp shyqqany beınelengen vıdeo eldiń sózine qaldy. Jurt bul dástúrge tańǵala qarap, "Aladdın uqsap ushyraıyn dedi me?", "kilemge otyrǵyzǵany nesi?", "mundaı da bola ma?" dep jarysa pikir jazdy. 

100-ge jýyq ónerpaz óner kórsetken toı

4 saǵattyq toı úshin tutas bir ansámbl men orkestrdi jaldar ma edińiz? Toı emes shoý bolǵan dýmandy kesh bıyl Shymkentte ótip, jurttyń jaǵasyn ustatty. Jas jubaılar úılený toılaryna sımfonıalyq orkestr, 30 qyzdan turatyn bı ansámblin, bir top etno-ánshilerdi jaldaǵan. 

Jurt bul toıdy "ǵasyr toıy" dep atap, "mynandaı toı elimizde bolmaǵan shyǵar?", "ne degen ysyrap", "osyndaı daraqylyq nege kerek?" degen pikirler jaýdyrdy. 

20 mıllıondyq tort jáne Nurlan Sabýrov júrgizgen kesh

Bloger DARICORN-nyń toıy da byltyr biraz jerdi shýlatqan edi. Aq tústi dress-kod, 20 mıllıon teńgelik tort, tanymal juldyzdardyń qatysýy men Reseıden arnaıy kelgen Nurlan Sabýrovtyń keshti júrgizýi eldi eleń etkizdi.

Biri "óz aqshasy – óz erki" dese, endi biri "mundaı daraqylyqpen maqtaný orynsyz" dep synady. 

Aqtaýda balabaqsha búldirshinderiniń bitirý keshi toıǵa aınaldy

Aqtaýdaǵy balabaqshalardyń birinde búldirshinderdiń qoshtasý keshi han saraıyndaı meıramhanada dúrkirep ótti. Ata-analar lımýzın, orkestr, asaba jaldap, keshti kádimgi úılený toıyndaı asta-tók formatta uıymdastyrǵan.

Bitirý keshinen jelige taraǵan vıdeolar jurttyń synyna qaldy. Biri: "bala úshin bárin jasaýǵa bolady" dese, endi biri: "bes jasar balaǵa lımýzın men orkestr artyq emes pe?" degen pikirler qaldyrdy.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

18:16

17:22

16:17

15:30

15:10

14:49

14:38

14:30

14:15

13:36

12:34

10:56

10:30

10:06

10:05

18:57

17:50

17:26

16:55

16:49

16:33

15:15

14:41

14:31

14:28