Rahman ALShANOV,
«Tūran» unıversıtetíníń rektory, Qazaqstan JOO qauymdastyǵynyń prezıdentí, qoǵam qaıratkerí:
Konstıtutsıyalyq reformalar jóníndegí komıssıyanyń alǵashqy otyrysy eldíń sayası, áleumettík, ekonomıkalyq árí qūqyqtyq damuy úshín asa mańyzdy ekenín ańǵartqandaı. Sebebí Konstıtutsıya – memlekettíń tek negízgí zańy ǵana emes, qoǵamnyń damu baǵytyn aıqyndaıtyn, azamat pen bılík arasyndaǵy senímníń qūqyqtyq írgetasy.
Kez kelgen reformanyń Konstıtutsıyadan bastaluy zańdy. Óıtkení dál osy qūjatta memlekettíń qūndylyqtary, bılík tarmaqtarynyń ózara tepe-teńdígí, azamattardyń qūqyqtary men bostandyqtarynyń kepíldígí aıqyndalady. Qoǵam ózgergen saıyn, Konstıtutsıya da zaman talabyna saı jetíldíríluí oryndy shyǵar, bíraq qabyldanǵan zań qaıta-qaıta ózgertílmeuí tıís. Komıssıyanyń jūmysy osy qajettílíkten tuyndap otyr.
Alǵashqy otyrystyń mańyzdylyǵy – reformalardyń formaldy sıpatta emes, júıelí árí tereń taldau arqyly júrgízíluíne jol ashuynda. Būl kezeńde eń bastysy – Konstıtutsıyanyń qaǵaz júzíndegí normalary emes, onyń naqty ómírde qalaı jūmys ísteıtíníne nazar audaru. Yaǵnı, azamattardyń qūqyqtaryn qorǵau tetíkterí, bılík ınstıtuttarynyń jauapkershílígí jáne zań ústemdígín qamtamasyz etu máselelerí aldyńǵy qatarda boluy qajet. Sonymen qatar, Konstıtutsıya – ūlttyq bírlík pen tūraqtylyqtyń basty tíregí. Ony jańǵyrtu qoǵamdy bóletín emes, bíríktíretín úderís boluy tıís. Sondyqtan komıssıya jūmysyna kásíbı sarapshylarmen qatar, qoǵamdyq píkírdí eskeru, ashyqtyq pen dıalog qaǵıdattaryn saqtau asa mańyzdy.
Konstıtutsıyalyq komıssıyanyń alǵashqy otyrysy – eldíń bolashaq sayası arhıtekturasyn aıqyndaıtyn mańyzdy qadam. Eger reformalar Konstıtutsıyanyń mání men ruhyn saqtaı otyryp júzege assa, būl qūqyqtyq memleket qaǵıdattaryn nyǵaıtyp, azamattardyń memleketke degen senímín arttyra túsedí.