Sholpan BOSTANQYZY, qoǵam qaıratkeri, zańger:
Konstıtýsıalyq reformalar boıynsha komısıanyń kezekti otyrysy bastaldy. Bul úderisti qoǵam bolyp birlese zerttep, zerdeleýimiz qajet dep esepteımin. Sebebi atalǵan reformalar qazirgi qoǵamdaǵy quqyqtyq sanany qalyptastyrýǵa, úkimet jumysynyń tıimdiligin arttyrýǵa jáne memlekettiń damý jolyndaǵy qyzmetterine aıtarlyqtaı oń yqpal etedi.
Konstıtýsıalyq reformalar degenimiz – bolashaqta elimizdiń Ata zańyna birqatar ózgerister men tolyqtyrýlar engizý arqyly qoǵam men memleket úshin túbegeıli oń jańalyqtardy júzege asyrý. Bul ózgerister memlekettik mekemelerdiń qyzmetine de, jalpy barlyq salalardaǵy konstıtýsıalyq-quqyqtyq qatynastardy retteýge baǵyttalady. Sondyqtan onyń búgingi kúnniń ózinde mańyzy óte joǵary.
Úshinshiden, bul reformalardyń dál qazirgi kezeńde qolǵa alynýy da kezdeısoq emes. Qazirgi ýaqyt pen qoǵamdyq damý satysy kóptegen ózgeristerdi talap etedi, al olardyń bir bóligi tek konstıtýsıalyq deńgeıde ǵana sheshilýi múmkin. Bul óz kezeginde azamattyq-quqyqtyq qatynastardy retteýge de oń áserin tıgizedi. Ákimshilik, azamattyq nemese ózge de kez kelgen salada konstıtýsıalyq reformalar mindetti túrde qarastyrylýy tıis.
Tórtinshiden, reformalar qoǵamdaǵy árbir azamattyń quqyqtary men mindetterin, jaýapkershiligin arttyrýǵa baǵyttalǵan. Árbir azamat óz quqyǵyn ǵana emes, óz mindeti men jaýapkershiligin de bilýge tıis dep esepteımin.
Osyǵan baılanysty sheteldik saıası uıymdar tarapynan partıalardy qarjylandyrýǵa tyıym salý týraly usynys óte oryndy dep oılaımyn. Sonymen qatar, saıası partıalardyń qarjylandyrylýyn qatań baqylaý men qadaǵalaýǵa alý da durys sheshim. Sebebi partıalar óz qyzmetin adal atqaryp, qoǵam men eldiń damýyna naqty úles qosýy qajet.
Sondaı-aq bir palataly parlamentke, ıaǵnı Quryltaı úlgisindegi júıege kóshý – búgingi konstıtýsıalyq reformalardyń jańa baǵyty. Bul – elimizdiń saıası júıesin jańǵyrtýdaǵy mańyzdy qadam.
Osy turǵyda Qazaqstan Respýblıkasynyń Prezıdenti Qasym-Jomart Kemeluly Toqaevtyń kóppartıaly saıası júıeni damytýǵa baǵyttalǵan saıasatyn qoldaımyn. Bul baǵyt azamattardyń quqyqtaryn qorǵaýǵa jáne demokratıalyq qoǵamdy nyǵaıtýǵa asa qajet dep esepteımin.